USP – Cater mplanc da lavé taieresc, 500 taieresc cun goc y l pestech ie unci njeniei dal Ufize provinziel per l refudam per manifestazions cun festes y partys. A chësta maniera dëssel unì sparanià 80 percënt dl refudam. L assessëur Laimer cun l diretëur de dipartimënt Huber, l diretëur dl Ufize provinziel per l refudam Angelucci y i rapresentanc di Servijes dla Zità de Persenon à ncuei vënderdi presentà l’azion „Festa zënza refudam“.
L diretëur de dipartimënt Huber cun l assessëur Laimer , l diretëur dl Ufize provinziel per l refudam Angelucci y i rapresentanc di Servijes dla Zità de Persenon à presentà l’azion „Festa zënza refudam&Adrët per l di mundiel per l ambiënt ai 5 de juni unirà cater mplanc da lavé taieresc adurvei l prim iede pra la festa di 100 ani dla lia di paures a Sterzing. „Canche l vën adurvà taieresc de plastica pra la festes vëniel a se l dè montes de refudam, perchël iel gran ëura de fé velch“, à dit l assessëur Laimer. La festa dla zità de Persenon porta uni di 10.000 chilo de refudam. I cater mplanc da lavé taieresc che la Provinzia à njenià dëssa judè a ti unì ncontra a l problem. Mplù juda i taieresc de melanin, che semea porzelan y scipa, nce a ti dé na miëur’ atmusfera da festa. N a ulù tenì cont che la mascins nuves adrove puecia ega y energia, mplù mëtles me trëi nchin a cater menuc per lavé na cëria y ie drët saurì da adurvé. Danter mascins, taieresc, goc y pestech fejen cont de sparanië nchin a 80% dl refudam tres chësta azion pra la festes populeres. La njinies y cun goc y taieresc vën mprestedes dal Ufize provinziel per l refudam (tel. 0471-411 881) a 100 Euro per l prim di y 50 Euro per i dis che vën do, paian mo na cauzion de 200 Euro. Per mené adalerch la njinies se curzia i Servijes dla zità de Persenon. Nfurmazions plu avisa giaten nce tl internet sun la plata www.provinz.bz.it/trend
USP
Galaria dales fotografies
L diretëur de dipartimënt Huber cun l assessëur Laimer , l diretëur dl Ufize provinziel per l refudam Angelucci y i rapresentanc di Servijes dla Zità de Persenon à presentà l’azion „Festa zënza refudam&
L assesëur Laimer cun l diretëur Angelucci mostra co che n adrova la njinies.
