Edizion nueva dla plata Orange Juice dla scola auta de Urtijëi
USP – Bel adrët per la feries porta l’ultima edizion dla zaita de scola „Orange Juice“, dla scola auta Raetia de Urtijei, nuvieteis per sculeies, nsenianc y genitores. Ora de na majera ntervista cun l Presidënt dla Provinzia Durnwalder, iel nce da lierjer d’uni sort de articuli sun sport, proiec de scola y argumënc di jëuni te cin rujenedes.
Orange Juice: la plata dla scola auta Raetia de Urtijëi, scrita te cin rujenendes.L cumité de redazion de „Orange Juice“ se à nce chëst iede drët dat da fé per pudëi de ora la zaita de 24 plates. Justa te na pitla scola sciche la scola auta Raetia ne iel nia for saurì a tré tres de tei proiec, spiega i coordinadëures Rosalia Ongaro y Siegfried Steger. Te nosc cajo iel debujën dl mpëni de duc, spiega inant i doi nsenianc. La scola auta Raetia de Urtijëi ie la sëula te dut Südtirol che dà ora si plata de scola tla cin rujenedes, tudësch, talian, ladin, nglëisc y spanuel. I sculeies possa se crì ora la rujeneda per si articuli y giapa mo vel aiut dai prufessëures. A chësta maniera possi nce fé pratica tl scrì, dij Ongaro y Steger. La grupa de redazion se cruzia dut ntëur nsëss de abiné la nfurmazions, de scrì i articuli, de fé la fotografies y de curé la mpaginazion.
Te chësta edizion dla plata „Orange Juice“ iel da liejer na majera ntervista cun l Presidënt dla Jonta provinziela sun l ngrandimënt dla Union Europea y cuestions de atualità sun la scola ladina. Mplù possen nce nrescì velch sun trends dla cultura, nutizies dal sport y velch de nteressant sun i proiec de scola y valutazions de nsenianc. De plu argumënc per i jëuni ne mancia nianca tl’ultima edizion de chësc ann de scola. L ie unì scrit drë dl dut: dal pro y contra, ala maniera de se furnì nchin ai plu biëi films.
USP
Galaria dales fotografies
Orange Juice: la plata dla scola auta Raetia de Urtijëi, scrita te cin rujenendes.
