Atualità
Nfurmazions sun l jì inant di lëures pra la streda dla Val Badia
USP – Dla situazion di lëures sun la streda dal Val Badia y sun i pruvedimënc de segurëza dajerà l assessëur Florian Mussner y i tecnics de cumpetënza nfurmazion. La sëira de nfurmazion n vënderdi, ai 9 de lugio dala 17.00 sun l post di lëures a Mantëna Todëscia, vën metuda a ji datamprima per i ambolc y i rapresentanc di chemuns nteressei.
Do la ntroduzion dl assessëur Mussner y dl dirijënt de proiet Julius Mühlögger sun l jì inant di lëures sun la streda dla Val Badia, sarà Fulvio Pisetta a nfurmé sun la variazions dl proiet per rejons de seguëza. Aldo Marzola presenterà i pruvedimënc che ie uni fai nchin sën ai ronesc per garantì la segurëza ntan y do i lëures. Sun de pitli filmes pudran udëi co che n à fà sauté tl air l crëp pra l terzo tunel dla streda dla Val Badia y coche l ie unì metù i gran petons che porta l puënt. Do la nfurmazions pudran vijitè l cantier. I rapresentanc di media ie nviëi ala sëira de nfurmazion, n vënderdi ai 9 de lugio 2004 dala 17.00 pra l cantier a Mantëna Todëscia y de dé inant la nfurmazions tes si media.USP
