Atualità
Passa 150 iscrizions ntan chësc ann per la pension dla ciasarina
USP – Ndut ie 152 persones zapedes ite ntan l ann 2004 tla pension ulentera per la ciasarines, aldò la lege regiunela nr. 3/93. Tl ann 2003 se ova scrit ite 124 persones. Chësta zifres ie unides comunichedes dal Ufize provinziel per preudënza soziela, do che la lege finanziaria regiunela, cun l to demez dla pension dla ciasarina, ie jita n drova.
Cun l ji ndrova dla lege finanziaria regiunela iel unì tëut demez la pension dla ciasarines. Dutc chëi che ie zapei ite te chësc fond de pension ulenter nchin ai 22 de lugio 2004, possa paië ite si cuntribuc y giaperà nce si pension. L Ufize provinziel per preudënza soziela à s´ën fat al savëi la nfurmazions sun la iscrizions nueves. Sce tl ann 2003 fovel stat ndut 124 persones che se ova scrit ite, ne iel tl 2004 bele stat 152 persones, de chisc se à 88 permò scrit ite do l 8 de lugio. I mec de chësta 88 dumandes ie permò unides dates ite l utim di, ai 22 de lugio.USP
