Atualità

Scora / Cultura | 13.08.2004 | 15:32

Liëndes ladines son n gran suzès

USP - Gran suzès pro les porsones dl post y foresti à albü la manifestaziun sön le monn dles liëndes ladines mëtüda a jì tles ultimes dös edemes dal Assessorat provinzial por la Cultura ladina.

Por trëi sëres y plü avisa a Urtijëi, La Ila y Al Plan, à Brunamaria Dal Lago Veneri, renomada scrituria y jornalista, cuntè perts dl monn dles liëndes ladines plëgn de avenimënć y sentimënć lià ala contrada dles valades ladines y ala vita de sü abitanć.

Les liëndes é gnüdes acompagnades ten na manira perfeta dal cor de ëres “Raiëta” da La Val cun tan de beles ćianties ladines

Dër contënt dl suzès dla manifestaziun é stè le Assessur por la Cultura ladina Florian Mussner. “Deache al é stè plü de valgügn che se à damanè do de mëter a jì chesta manifestaziun inće en ater ann, sce ara va da la invié ia, la fajunse indô, scebëgn cun valgünes novitês.”, insciö le Assessur. “Chësta manifestaziun desmostra che le patrimone cultural ladin é liè a na manira sterscia ala popolaziun y che inće i foresti à interès a conësce nosta cultura plü avisa.”, referësc ćiamò le Assessur Mussner.

USP

Galaria dales fotografies

Les liëndes é gnüdes acompagnades dal cor de ëres “Raiëta”