Nchin ai 20 de agost iel mo da udëi l "Mister dla forma"
USP – Ntëur 1.000 ie stai i vijitadëures dl Museum Ladin a San Martin de Tor a udëi la figures de bront de Richard Agreiter. La mostra dla scultures de bront „Mister dla froma“ ie mo da udëi nchin n dumënia ai 22 de agost 2004.
"Mister dla forma" - scultöres de brom de Agreiter (FOTO: USP/Josef Pernter)
Sëuraprò al minister per i afares oradecà Benita Ferrero Waldner, l presidënt dla Provinzia Luis Durnwalder, i assessëures Florian Mussner y Sabina Kasslatter Mur, y truepa persunaliteies tl ciamp dla cultura, iel stat mo passa 1.000 vijitadëures che ie jic a ti cialé ala scultures de bront de Richard Agreiter tl Museum Ladin. L artist dl Tirol cun la ravises badiotes fej la figures da fonz su, dal dësseni al model y nchinamei la realisazion tl bront. La mostra tl Museum Ladin, tl Ciastel de Tor, resta mo davierta nchin n dumënia ai 22 de agost 2004. Ntan i dis da lëur ie la mostra davierta dala 10 danmesdi nchin ala 6 da sëira y de dumënia dala doi ala sies domesdì.
USP
Galaria dales fotografies
"Mister dla forma" - scultöres de brom de Agreiter (FOTO: USP/Josef Pernter)
