USP – Jurnalisc’ dla televijion britanica BBC ie stai ncantëur per l Südtirol. Ëi à tëut su per na reportaja sun l daunì dla Dolomites, te chël che la se trata dl straverdé y dl raport danter turism y n svilup che respetea l ambiënt. L’ultima pert dla registrazions ie inier juebia, 26 de agost, unides dedichedes a na ntervista al Presidënt dla Provinzia Luis Durnwalder.
L Presidënt dla Provinzia Durnwalder cun la troup dla televijion britanca BBC.Doi dis ntieres ie i jurnalisc´ dla BBC stai tl Südtirol per to sù la belëza di crëps y co che l vën cialà lessù. Dut chësc n ucajion di toc de crëp che ie cherpei jù ntan l instà. Per la televijion britanica se tratla nce de dé na udleda al daunì dla Dolomites, danterauter nce sun la puscibltà de les straverdè da pert dl Unesco sciche patrimone culturel mondiel. De chësta defendura nternaziunela à nce rujenà l Presdënt Luis Durnwalder te si ntervsta ai jurnalisc´ dla BBC. Ël à po rujenà dl turism y dl svilup te raions da mont, che ie povester de plu che te d’autri raions, te na situazion de tenscion danter economia y ambient. La documentazion dal Südtirol dëssa bele unida mustreda ncuei, vënderdi ai 27, tl nutiziar dla BBC dala 22.00 (tl Südtirl dala 23.00). Tres televijion satelitera iel ne tlo da nëus mesun undëi la reportaja sun l canal nutizier BBC World.
USP
Galaria dales fotografies
L Presidënt dla Provinzia Durnwalder cun la troup dla televijion britanca BBC.
