Atualità
La streda dla Val Badia vën inò sareda
USP – Do la sajon da instà uniral da n lunesc ai 30 de agost inò sarà la streda dla Val Badia da Longega a Mantëna Todëscia ai auti. I lëures dëssa inò pudëi ji inant zënza interuzions per pudëi i finé per tëmp. I mesuns de trasport pesonc pudrà passé bas ite, ntan che i auti muesserà to la stredes panoramiches de deviazion.
Trëi cherc di lëures per l miurament dla streda dla Val Badia ie bele finei. Da n lunesc de l’ena che vën iel inò jit inant zënza mpedimënc cun i lëures per i 6 km de streda che mëina tres cin tuniei. La steda dëssa mo unida fineda ntan l inviern dl ann che vën, à dit l assessëur Florian Mussner.Pra l prim tunel vëniel fat ite la drainajes per l’ega, pra l sgondo tunel uniral ntan la proscima ens finà l ntreda a sud y i parëies deditora. Cun l isolazion iesen al mumënt mpeniei tl tunel nr. 3, ntan che tl cuarto y cuinto uniral ntan la proscima enes fat i parëies deditora. Sun vel pertes dla streda vëniel bele njenià l fonz de streda, sun d’autra pertes veniel mo slargià la streda. Ntan i lëures per la streda nstëssa vëniel nce segurà i ronesc daujion a streda.
Nchin che i lëures ne ie mo nia finei musserà chëi dai auti mo ciafië cun la stedes panoramiches da deviazion. Itvier da Mantëna Todëscia, passan per Rina nchin a Longega, y oravier da Longega passan per La Pliscia, Sares y Mantëna Todëscia. Per l muvimënt pesoch resta la streda davierta basite.
USP
