Atualità
Forum culturel ladin ai 17 de setëmber
USP – L forum de cultura de n vënderdi ai 17 de setëmber a La Ila traterà dl’ert y de artisc dla valedes ladines. Daviert iel a artisc‘, rapresentanc de lies cultureles y nce a duc i nteressei d’ert.
Cun l fin de cuntribuì al svliup dla cultura ladina mët l Dipartimënt per la Cultura Ladina dla Provinzia de Bulsan deberieda cun la Consulta Ladina a jì uni ann n forum. Chëst ann ie l ert ladina tl zënter dl nteres. L Forum unirà tenì n vënderdi ai 17 de setëmber dala trëi domesdì tl Ciastel Colz a La Ila. Nviëi ie duc i artisś, rapresentanc dla lies cultureles ladines, i assessëures ala cultura di chemuns ladins y duc i pasciunei de ert. Jaco Rigo, presidënt dla union di artisć ladins „EPL“ y Samuel Moroder, presidënt dl Lia Mostra d’Ert a Urtijëi, fajerà na ntroduzion sun l muvimënt artistich badiot y gherdëina. Erich Demetz, sciche ntenditëur de ert purterà dant n referat sun l argumënt „ert y artejanat artistich“. Cun na mëisa turonda finerà po via l forum. Gesć de discuscion sarà l assessëur Florian Mussner, Lois Ellecosta dla Consulta Ladina, i artisć Lois Anvidalfarei, Tone da Cudan, Egon Rusina y Margareth Forer. La Discuscion de mësa turonda unirà tenida dal giornalist dla RAI Erwin Frenes, tla rujeneda ladina.I rapresentanc di media ie nviëi
al Forum culturel ladin
n vënderdi, 17 de setëmber 2004 dala 15.00
tl Ciastel Colz, streda Marin 80 a La Ila
y dl purté te si media.
USP
