Atualità
Dezijiuns dla IIª Comisciun provinziala por la sconanza dla contrada
Tla sentada da en mertesc, 30 de novëmber 2004, à la IIª Comisciun provinziala por la sconanza dla contrada cun a ce Adriano Oggiano, diretur dl Ofize provinzial por la sconanza dla contrada, aprovè proiec ti comuns da Corvara, La Val y Ciastel.
N arat positif à la IIª Comisciun provinziala por la sconanza dla contrada dè por ći che reverda les trëi desćiaries por material ćiavè fora tl comun da La Val. Sön i tòć de grunt „Morin“, „Plans“ y „Mirió“ pol gnì lascè jö material ćiavè fora. La Comisciun l’à dli che al dess gnì laurè sot al control de n’autorité forestala y olache al vëgn spostè material mëssel gnì inverdì dedô. Implü à la IIª Comisciun provinziala por la sconanza dla contrada aprovè inće la recostruziun dl mür a sëch de 60 metri lunch tla localité “Ruac” a Corvara. Le tecnich competënt, Vittorio Balbinot é dla minunga che le mür dess gnì conservè deache al é tipich de chësc raiun. Porchël dess le mür gnì fat sö danü tla medema manira; ma iadedô déssel gnì renforzè. A Ćiastel po la Lia da Munt, aladô de n arat dla IIª Comisciun provinziala por la sconanza dla contrada, mët te tera n tanch dal gas licuid. Le gremium à tut la dezijiun ch’al ne mëss nia gnì fat sö n mür por delimité le post olache al vëgn ćiavè ite le tanch; al basta fà sö na si incëria.USP
