Atualità
Calënder di ejams de concurs por insegnantes y insegnanc dles scores ladines
USP - Tl’Intendënza ladina él sëgn dan man le calënder provisore por i ejams de concurs dles insegnantes y di insegnanc dles scores ladines. “La maiù pert di ejams scric sarà ti dis incër les festes da Pasca” à dit l’ispetur dla scora ladina Lois Ellecosta. Dui ejams gnarà bele tignis ala fin de forà, y plü avisa “Fotografia y grafica publizitara” y “Pitöra”.
Acioche les insegnantes y i insegnanć che tol pert ai ejams de concurs por les scores ladines pois se anotè les dates te süa agenda à l’Intendënza ladina metü adöm n calënder bun strotoré. Sön le calënder él inće i terminns probabli di ejams a usc. Chisc gnarà por la maiù pert tignis de mà. Por i ćiamps spezifics “Fotografia y grafica publizitara” y “Pitöra” é i terminns fissà por i 22 y i 23 de forà 2005. Chisc gnarà tignis tla scora d’ert a Urtijëi y metarà man dales 9 danmisdé. Les candidates y i candidać é perià de se presentè cun puntualité y de se tó para n documënt de identité varënt. Chësc vel sambëgn inće por düć i ejams che à da gnì. I orars y i posć olach’al gnarà tignì i ejams scrić dles atres materies gnarà lascià al savëi por tëmp dal’Intendënza ladina. Tla injunta él da ciafè le calënder di ejams provisore.USP
