Atualità
Dezijiuns di direturs dla Valutaziun dl Dann ambiental (VDA)
USP - Pro la sentada da inier mercui, ai 16 de forà à i direturs di Ofizi provinziai competënc por la Valutaziun dl Dann Ambiental dè so bëgnstè por la costruziun dl lift a scagns da cater posc “Pardüc” tl comun de Badia. Ince n proiet de refornimënt d’ega da bëre a La Val é gnü aprovè dai direturs.
I direturs dla Valutaziun dl Dann Ambiental à dè so bëgnstè por la realisaziun dl lift da cater posć cun na cupola “Pardüc” tl comun de Badia. L’implant nü dess remplazè le lift vedl y portè a munt 1200 porsones al’ora. I direturs competënć por la VDA ti à indere metü ales “Funivie S. Croce SPA” n valgönes condiziuns por la realisaziun dl proiet che reverda les deponüdes sot tera ite olache al gnarà metü i scagns dl lift tratan la sajun da d’isté.I direturs dla VDA à inće dè so bëgnstè por le ressanamënt dla condüta dal’ega da bëre “Freines” tl comun da La Val. Por na lunghëza de 240 metri messaràl gnì metü condütes nöies y al é inće preodü na piada dal’ega nöia. Le resservar da śëgn dess gnì adatè ales desposiziuns de segurëza atuales.
USP
