Atualità

Ara á inom Südtirol2Go la verjiun nöia dla app por smartphone (bele conesciüda sciöche Südtirol To Go) a desposiziun por düc i anuzadus dl sorvisc de trasport public dla Provinzia de Balsan. Danter les novités plü interessantes él da ciafé trates spezifiches, informaziuns plü detaiades söles tarifes y ajornamënc sön orars y intardiades.

Cun le scomenciamënt dl’aisciöda él ince indô tröc motors che s’la roda sön les strades y al mët ince man les ativités dla campagna de sensibilisaziun "No Credit". Chësc iade ne s’archita la scomenciadia nia söi confins dla Provinzia, mo reverda ince le raiun dl Trentin. Düc i detais gnará presentá en lönesc, ai 4 de aurí, te na conferënza stampa al Safety Park.

La Biblioteca provinziala Teßmann y l’EURAC á presenté incö, mercui ai 30 de merz, dui portals nüs por la chirida digitala de foliec storics y tesć südtirolej atuai.

L servisc de furmazion y de ajurnamënt, dl ciamp Inovazion y Consulënza, à nce per l ann de scola 2016/2017 metù a jì na bela cumpëida de cursc per la scolines y la scoles ladines. L program ie metù adum da seminars de furmazion y cursc ti ciamps plu desvalifs, per ejëmpl inovazion didatica, rujenedes, ntlujion y scienzes.

Mët a desposiziun n portal web deboriada pro le trasport publich tl teritore dles Dolomites UNESCO: chësc é le fin dl protocol d’intenüda sotescrit incö (ai 24 de merz) a Ampëz dal assessur Theiner tratan la reuniun dl CdA dla Fondaziun, tratan chëra che al é ince gnü segnalé l’andamënt straordinar dla homepage dles Dolomites UNESCO.

I assessurs por la scora Florian Mussner, Philipp Achammer y Christian Tommasini á presenté incö (ai 24 de merz) le dessëgn de lege che reverda i „Mudamënc ales leges provinziales tl setur dla formaziun“. Tres chësc dessëgn de lege vëgnel rezepí les diretives statales dla reforma ti sistems scolastics provinziai.

Le finanziamënt di laurs por l’ultima milia dla rëi dla banda leria, la venüda dl 10 porcënt de Alperia, i arac söi dessëgns de lege, les reformes istituzionales, les normes nöies sön l’armonisaziun di bilanc. Chisc é stá i temesc prinzipai dla sentada de tlausöra dla Junta provinziala cun le Consëi di Comuns.

Tl 2015 á i nü museums provinziai registré adöm indöt 800.000 vijitadus conferman le gran interes dl publich, dantadöt ince di residënc. Ince por le 2016 él preodü de plü scomenciadies y proiec, danterater la cuinta ediziun dla Trienala Ladina tl Museum Ladin Ciastel de Tor.

Al jará inant almanco cina la fin de ma le sorvisc de coliamënt dles corieres danter Sanciana y Santo Stefano di Cadore. La Junta provinziala á aprové inier ai 22 de merz la prorogaziun dla convenziun cun la Provinzia de Belun sön proposta dl assessur por la mobilité Florian Mussner.

Conservé les chertes y i documënc storics y i mët a desposiziun a düc i interessá: chisc é i obietifs prinzipai dla colaboraziun danter la Biblioteca Teßmann y l’EURAC che á svilupé dui portai digitai por l’utënza. Le proiet gnará presenté en mercui ai 30 de merz tla sënta dla biblioteca a Balsan.