Atualità
-
"I prighi te Internet", ai 29 d’otober vëgnel pité na sëra d’informaziun
„Pericoli della rete/Straftaten im Netz“ à inom la sëra d’informaziun sön i prighi te Internet y che vëgn metüda a jì dal’Ofize Media audiovisuai dla Repartiziun provinziala dla cultura todëscia adöm ala Polizia statala. L’incuntada é ai 29 d’otober a Balsan.
-
eTwinning: Seminar europeich sön pratiches d’insegnamënt a Balsan
Metodes dla didatica de cooperaziun tres jomelinaji eletronics: de chësta tematica jararà dai 22 ai 24 d’otober a Balsan tl Sheraton Hotel olache al gnarà tignì n seminar europeich por insegnanć dla scora alta di raiuns transfronatliers de lingaz todësch en colaboraziun cun eTwinning Italia.
-
L’analisa dl tëmp dles Opziuns é stada al zënter dl Dé dla Cultura Ladina
Le tëmp y la perioda storica dles Opziuns tla Ladinia y tl Südtirol y sües conseguënzes por le svilup tles valades ladines: chëstes é stades les tematiches zentrales dl Dé dla Cultura Ladina che é gnü tignì incö (17/10) tla Ćiasa dla Cultura a Urtijëi en recordanza di 75 agn dal scomenciamënt dl tëmp dles Opziuns.
-
Incuntada cun l'Istitut ladin Micurà de Rü tl “Centro Trevi” a Balsan
La Biblioteca provinziala taliana "Claudia Augusta" y le Zënter Multilingual dl Departimënt Cultura taliana dla Provinzia organisëia n’incuntada cun l’Istitut ladin Micurà de Rü y la presentaziun dl Dizionar talian - gherdëna.
-
Di dla biblioteches ai 25 d’utober 2014
"Di dla biblioteches" tla Biblioteca provinziela Dr. Friedrich Teßmann ai 25 d’utober 2014: Te cin stazions possa i/la vijitadëures jì ala scuvierta dla zaites storiches.
-
Ferata tla Galizia: 400 studënć, inće dala Val Badia, é sön le iade
Sön le iade tla Galizia é da incö, jöbia ai 16 d’otober 400 studënć da döta l’Euregio Südtirol-Tirol-Trentin por jì a recordè i avenimënć tragics dla Pröma vera mondiala y sües conseguënzes. Al tolarà pert al iade inće la cuinta tlassa dla scora alta dl ITE da La Ila. Le grup é gnü saludé incö söl Prener dai Presidënć Kompatscher y Platter y sarà sön le iade ćina ai 21 de otober.
-
Assessuria Stocker: “La reforma dla sanité va debojëgn”
L’assessuria Martha Stocker à presentè incö danmisdé (ai 16 d’otober) te na conferënza stampa tl Palaz Widmann a Balsan le ressumé dles incuntades dles ultimes edemes cun i colaboradus y rapresentanć di raiuns sanitars te düć set i ospedai dl Südtirol y cun les perts soziales y les organisaziuns di paziënć por ći che reverda i „Orientamënć nüs dl’assistënza sanitara tl Südtirol".
-
Felix Ploner é le Diretur nü dl Ćiamp Inovaziun y Consulënza
Le Ćiamp Inovaziun y Consulënza à n Diretur nü: Felix Ploner à surantut da püch la direziun dl Ćiamp Inovaziun y Consulënza, na istituziun che se crüzia danter l’ater dl svilup pedagogich y didatich dl’insegnamënt tles scores ladines (p.e. cun publicaziuns nöies) y dl’aministraziun scolastica. Da püch él gnü tignì la pröma incuntada cun l’assessur por la scora ladina Florian Mussner.
-
Le proiet „Inovaziun aministrativa 2018“ é pié ia: Provinzia plü moderna
Na Provinzia plü moderna y buna da adorè les ressures te na manira efiziënta: chisc é i obietifs dl prozès de reorganisaziun dl’Aministraziun publica dla Provinzia. Le segnal de start dl proiet „Inovaziun aministrativa 2018“ é gnü dè incö, mercui ai 15 d’otober dal’assessuria por l’aministraziun Waltraud Deeg y dal diretur general Staffler. Trëi agn s’à la Provinzia dè tëmp por realisé le proiet.
-
Les tratatives finanziares cun le Govern é stlütes jö: "Pat de garanzia"
Cun n „pat de garanzia“ à le Presidënt dla Provinzia stlüt jö incö (15/10) a Roma les tratatives danter le Govern y la Provinzia por le finanziamënt dl’autonomia tl dagnì.„I ùn stabilì na soma fissa sciöche contribut de partezipaziun al ressanamënt dl bilanz statal por impedì insciö al Stat da se tignì suraprò ressurses finanziares suplementares che ti speta ala Provinzia“, à sotligné Kompatscher.
