Atualità
-
„ëres-FraueninfoDonne“: Analisa dla sanité sot l’otica dl’avalianza di sesc
La medejina de gëne analisëia les desfarënzies danter l’ëra y l’ël tl setur dla sanité: na tematica che vëgn inće tratada tla verjiun nöia de „ëres-FraueninfoDonne“, na revista che vëgn dada fora dala Consulta por l’avalianza dles oportunitês y che é desponibla da püch online.
-
"De jënt nueva ons debujën": Sëira de referac ai 9 d’utober ala Teßmann
Tl cuntest dla lingia de referac "Per ejëmpl la Ladinia" vëniel ai 9 de utober pità doi referac tla biblioteca provinziela Teßmann a Bulsan: l prim referat de Pio Planatscher trata l’economia di bëns de cumenanza sciche l svilup sustenibl dl’economia per l daunì, l segondo de Stefania Demetz presentea la tematica dla garejedes dla copa dl mond de schi tl’otica dla problematica danter sport y show
-
Inauguraziuns dla Futurum 2014 y MINT (02 y 03 d’otober)
En Jöbia, ai 2 de otober dales 12 gnaràl inauguré la cuinta ediziun dla Fiera dla formaziun „Futurum“ tla sënta dla Fiera a Balsan y en vëndres ai 3 de otober dales 9 metaràl man al Hotel Four Points by Sheraton, da ciafè dlungia la Fiera a Balsan, la manifestaziun por la promoziun dles arees formatives MINT dla matematica,dl’informatica, dles sciënzes naturales y dla tecnica.
-
Lernerać y segurëza sön le laûr: Conferënza dles Regiuns a Balsan
Representanć dla Provinzia dl Südtirol, dla Lombardia, dl Piemont y dla Val d’Aosta s’incuntarà chësta jöbia a Balsan tl contest dl Fiera Futurm por tratè chestiuns che reverda i lernerać y la segurëza sön le laûr. „Cun chësta incuntada orunse laurè fora na posiziun unitara por miorè la formaziun di lerneri y por smendrì le burocratism tl setur dla segurëza sön le laur“, insciö Kompatscher.
-
Plü cualitè por les zones artejanales: La Junta à aprovè standarg nüs
Les zones artejanales ne dess nia ma plü ester na pert funzionala di raiuns, mo inće na cherta da vijita dles localitês: La Junta provinziala à aprovè porchël incö (30/09) standarg nüs por i raiuns produtifs. „Por concretisé chësc svilup orunse premié l’adoranza de concursc por la proietaziun, n anuzamënt de energia plü efiziënt y na maiù colaboraziun suraregionala", insciö Kompatscher.
-
Dala Junta: Prioritês, organisaziun y program dla Macroregiun alpina
Le Presidënt dla Junta, Arno Kompatscher, à referì incö (30 de setëmber) ala Junta provinziala i tëmps de realisaziun de na macroregiun alpina, de sü contignüs y süa organisaziun. La rajun dl inserimënt de chësc punt sön l’ordinn dl dé é stada l’incuntada, a chëra che Kompatscher à tut pert, danter les Regiuns interessades dla Talia inier a Milan.
-
Dala Junta: Les barieres architetoniches gnarà eliminades
La Junta provinziala à aprovè incö (30 de setëmber) n plann general de intervënć che prevëiga l’eliminaziun dles barieres architetoniches te düć i frabicać dla Provinzia por garantì l’anuzamënt dles strotöres a düć i zitadins. Al gnarà insciö eliminé ti proscimi agn i impedimënć architetonics ćiamò presënć por na spëisa totala de 15,75 miliuns de euro.
-
Sëra d’informaziun:„Prighi sön Internet –Cumprè y prenotè söl web“ ai 08/10
Por informè sön i prighi pro les cumpres y les prenotaziuns online él l’Ofize Media audiovisuai adöm ala Zentrala europeica di consumadus che mët a jì la manifestaziun d’informaziun „Gefahren im Netz- Kaufen und buchen im Internet“ ai 8 de otober a Balsan cun le fin da sensibilisé y mostrè sö ai consumadus les poscibilitês de proteziun cuntra trapolades söl web.
-
L’assessuria Deeg incunta le Diretur general nü Staffler
Hanspeter Staffler metarà man süa inćiaria nöia sciöche Diretur general nü dla Provinzia ofizialmënter al pröm d’otober. Incö (29 de setëmber) ti à l’assessuria por l’aministraziun Waltraud Deeg surandè süa funziun nöia tl’aministraziun publica. Ara ti aôda al diretur general n bun garatè „pro l’ademplimënt di compić da afrontè“ y le inviëia a anuzé deplëgn dles funziuns che ti é gnüdes surandades
-
Zënter formaziun profescionala a Bornech: Laurant spezialisé y verdaćiasa
Por le Zënter de formaziun profescionala a Bornech chir la Provinzia autonoma de Balsan n laurant spezialisé tl setur dl metal y che sarà inće responsabl por laûrs de verdaćiasa. L’assunziun dl laurant/dla lauranta é preodüda a tëmp plëgn y nia limité. La domanda por tó pert al concurs po gnì dada jö al Ofize Assunziuns personal ćina ai 21 de otober.