Atualità
-
Ai 5 de setëmber: La Provinzia deura les portes –"Nosta autonomia é de düć"
En ocajiun dl Dé dl’Autonomia deura la Provinzia sües portes ala jënt te indöt 20 sëntes provinziales te de plü localitês te döt le Südtirol. „Cun chësta scomenciadia orunse ti fà sintì ala jënt dl Südtirol che nosta Autonomia é de düć“, à dit le Presidënt dla Provinzia Arno Kompatscher inier, lönesc al 1. de setëmber, tratan la presentaziun dl Dé dl’Autonomia.
-
"Dé dla Scora Ladina" ai 5 de setëmber a La Ila
Do les vacanzes da d’isté y püch dan le scomenciamënt dl ann scolastich vëgnel inće chësc ann metü a jì da pert dl Departimënt Educaziun y Cultura Ladina n’incuntada de ajornamënt y de inauguraziun dl ann scolastich nü por aministradus publics, insegnanć y rapresentanć di geniturs dla scora ladina.
-
Referat tl Museum Ladin: La laûrs Ursus ladinicus y l’ander de Conturines
Le monn dla laûrs di andri Ursus ladinicus, süa descurida, süa vita, les particolaritês y le tesur dl ander de Conturines: chëstes é les tematiches dl referat dl paleontologh Herwig Prinoth en mertesc, ai 26 de agost, dales 21:15 tla Ćiasa de Cultura Jan Batista Runcher a San Ćiascian. Le referat gnarà tignì por talian, l’entrada é debann.
-
Tröpa partezipaziun ales ativitês d'assistënza da d'isté por mituns
Sides te Gherdëna sciöche inće tla Val Badia à i programs d’assistënza "L’isté di mituns" (Gherdëna) y "La scolina da d’isté" (Val Badia) podü registré na buna partezipaziun de mituns y à confermè insciö le gran interès da pert di geniturs. Da püch é i programs d’assistënza d’isté por mitans y mituns tla Val Badia y te Gherdëna gnüs stlüć jö.
-
Or europeich por Tania Cagnotto, la Junta ti fej les aodanzes
Tania Cagnotto é (indô) campiona europeica. Incö (mercui ai 20 de agost) à l’atleta da Balsan davagné a Berlin la medaia d’or tla disciplina de salt dal trampolin da un en meter, süa ventejima medaia, de chëres bëgn trëdesc de or.
-
Citybus: sorvisc aposta por la festa dla cité de Porsenù
En ocajiun dla festa dla cité vedla (Altstadtfest) de Porsenù la proscima fin dl’edema dai 22 ai 24 de agost vëgnel organisé n sorvisc de trasport aposta da y por Porsenù dales localitês dlungia la cité.
-
Sanité: La colaboraziun danter le Südtirol y le Tirol vëgn arlunjada
La situaziun atuala y i svilups tl dagnì dla colaboraziun tl setur dla sanité danter la Provinzia de Balsan y le Land Tirol é stà al zënter dl’incuntada ai 18 de agost danter l’assessuria por la sanité Martha Stocker y l’assessur dl Land Tirol Bernhard Tilg adöm cun rapresentanć y direturs di ospedai y dla sanité dl Tirol (Tilak).
-
„Bonus energia“: Le regolamënt nü jarà en forza indoman
Les deliberaziuns por ći che reverda le „bonus energia“ nü aprovades ai 5 de agost dala Junta provinziala y les diretives nöies sön l’efiziënza energetica di frabicać é gnüdes publicades incö (mertesc, ai 19 de agost) tl Boletin ofizial dla Regiun y jarà en forza indoman.
-
Contribuć por l'ambiënt: L’ass.Theiner presentëia le program d'investimënć
Por merit di contribuć por le ressanamënt dl ambiënt che vëgn paià fora dal’aziënda SE Hydropower Srl, che à en gestiun 10 implanć idroeletrics tl Südtirol, po i Comuns interessà y la Provinzia finanzié tres investimënć de plü proieć de mioramënt dl ambiënt y dla contrada.
-
Centenà dla Pröma Vera Mondiala: La Consulta Ladina mët a jì dui proieć
Teatri scolastics y n concurs artistich: döes é les scomenciadies che la Repartiziun Cultura y Scora Ladina metarà a jì, adöm cun la Consulta Provinziala por le grup linguistich ladin, por l’aniversar dl scomenciamënt dla pröma vera mondiala tl 1914, che à portè cun l’ingrès te vera dla Talia tl 1915 a combatimënć amesa les Dolomites. Tl zënter dles scomenciadies saràl i scolars y i artisć.
