Atualità
-
Dala Junta: Urbanistica, FSE y Euregio
Do n’edema de palsa à la Junta provinziala albü incö (22 de messé) n gröm de punć sön l’ordinn dl dé. Insciö él gnü tratè danter l’ater na seria de mudaziuns al plann urbanistich, la presentaziun dl proiet Euregio-Lab al Forum Alpach ai 17 de agost y la redestribuziun di contribuć dal fonds sozial europeich.
-
Tratatives de reforma a Roma:„La nosta priorité é la tlausola de proteziun“
Por ći che reverda la reforma dla Costituziun cun la mudaziun dl Titul V y la repartiziun nöia dles competënzes danter le Stat y les istituziuns locales à la Provinzia de Balsan determiné sciöche la priorité plü alta l’assiguraziun dl mantignimënt dla tlausola de proteziun.
-
Antizipaziuns por i ressanamënć dles ćiases: bele domandes por 2,5 miliuns
La gran domanda do les antizipaziuns, conzedüdes dala Provinzia sciöche n imprëst sön la restituziun dles cutes preodü dal Stat por le ressanamënt de ćiases d’abitaziun privates, devënta tres plü alta.
-
Curs de formaziun por insigné inglesc tles scores elementares
La Facoltè de Sciënzes dla Formaziun dla Université Lëdia de Balsan, cun sënta a Porsenù, ofrësc en colaboraziun cun les repartiziuns todësces, talianes y ladines dl’istruziun y dla formaziun dla Provinzia n curs de formaziun profescionala por l’insegnamënt dl lingaz inglesc tla scora primara dl Südtirol. Les domandes po gnì presentades ćina ai 19 de agost dl 2014.
-
Le Zënter de Documentaziun é gnü daurì incö: vare important por le dagnì
Le zënter de documentaziun sot al monumënt dla vittoria é gnü daurì incö (ai 21 de messè) a Balsan. „Cun chësta daurida devënta le monumënt dla vittoria azessibl por düć, y vëgn insciö delibré da so pëis ideologich“, à splighé incö le Presidënt dla Junta, Arno Kompatscher, che à ajuntè, che le monumënt vëgn inserì cun chësc at te n contest storich, le proscimo vare sarà spo la normalisaziun.
-
Inaugurada la mostra sön la stüa tla Val Badia tl Museum Ladin
La stüa, che é stada secui alalungia la ćiamena prinzipala dla ćiasa tles valades ladines y te döt le Tirol, é la protagonista dla mostra temporana “Le cör dla ćiasa - La stüa tla Val Badia”, inaudada incö, vëndres ai 18 de messè dl 2014, tl Museum Ladin Ćiastel de Tor a San Martin de Tor dal assessur provinzial por la cultura ladina y i museums Florian Mussner y dal diretur Stefan Planker.
-
21/07: Daurida dl Zënter de Documentaziun sot le Monumënt dla Vittoria
En lönesc, ai 21 de messè, vëgnel daurì le Zënter de Documentaziun sot le Monumënt dla Vittoria a Balsan. Al sarà presënć tratan la daurida le Minister por la Cultura Dario Franceschini y le Presidënt dla Provinzia Arno Kompatscher.
-
Ressanamënt dla staziun de Pruca: Salf da aspetè stlüt por trëi dis
Da püch à metü man i laûrs de ressanamënt dl frabicat olache al é inće da ciafè la staziun dla ferata de Pruca. Por gaujia de intervënć interns ai locai, resta le salf da aspetè stlüt por trëi dis. Insciö ne saràl gnanca poscibl da avëi azes al automat dles chertes.
-
Unificaziun Zentrala Viabilité y Zentrala Mobilité: Invit conferënza stampa
Cun la fin dl mëis gnarà i sorvisc d’informaziun dla Zentrala Viabilité y dla Zentrala Mobilité unificà por amplié y miorè la comunicaziun cun i zitadins. Chësta modaziun y inovaziun gnarà presentada ai 25 de messè.
-
La Rëi Zivica vëgn organisada danü: i zitadins à la parora ćina ai 22/07
Trasparënta, saurida da lì y da capì: insciö é la Provinzia de Balsan che ô se presentè tl dagnì sön internet. Le prozès de reorganisaziun y de recostruziun dla Rëi Zivica à bele metü man y va inant tresfora: düć i utënć po fà para ćina en mertesc ai 22 de messè.
