Atualità
-
Ai 15 de mei vëniel prejentà i prim resultac definitives dla cumpededa dla jënt
Cun la cumpededa dla jënt à l Istitut provinziel de statistica ASTAT y l istitut naziunel ISTAT fat na nrescida sun duta la populazion. La prima pert di resultac definitives unirà prejentei n mierculdi 15 de mei dal presidënt dla Provinzia Durnwalder te na cunferënza stampa a Bulsan.
-
Le turism incunta l’agricoltöra: l’ediziun dl concurs 2013 pëia ia
Inier, ai 7 de mà dl 2013 él pié ia la terza ediziun dl concurs de idees “Tourismus trifft Landwirtschaft – Il turismo incontra l’agricoltura” a livel dl’Euregio cun le Südtirol, le Tirol y le Trentin. Tres chësc concurs vëgnel chirì proieć de cooperaziun te chisc dui seturs strategics por i raiuns alpins.
-
Trëi chemuns de Sëuramont da Durnwalder y Mussner
Na delegazion di trëi chemuns ladins storics de Belun se à (NCUEI) 08 de mei ancuntà cun l presidënt dla Provinzia Luis Durnwalder y l assessëur ladin Mussner. I argumënc dl’ancunteda tl palaz Widmann a Bulsan ie stai la ulentà di trëi chemuns storics de fé pert dl dla provinzia de Bulsan, i finanziamënc tres l fondo Brancher y l svilup dla RAI Ladina.
-
Cumiscions de matura tla scoles autes ladines
Te sies enes, ai 19 de juni scumëncia i ejams de matura. L ntendënt ala scoles ladines à śën numinà la 5 cumiscions per l’ejam de matura.
-
Museum Gherdëina y Lizeum d’Ert gëura ai 10 de mei na mostra speziela
L Museum Gherdëina presentea tla mostra temporera “Clochards & roba da fé da mat“ lëures de sculées y sculeies dl Lizeum d’Ert “Cademia“ criei sun ispirazion de na selezion de pec dl museum. Cun chësta mostra tol l Museum Gherdëina pert ala scumënciadives per “l ann dl pez dl museum”. La mostra vën giaurida n vënerdi, 10 de mei, dala 10.00.
-
7 mei: Sculeies dla trëi grupes de rujeneda se da ju cun educazion politica
Ntan chësc ann iel unì metù a jì n barat danter i sculeies dl Lizeum linguistich da La Ila, la scola auta “Marie Curie” da Maran y la scola “Claudia de Medici” de Bulsan. Tl cheder di dis de educazion politica se anconta i sculeies (NCUEI) 7 de mei per n dì deberieda a Bulsan.
-
Dala senteda dla Jonta provinziela dl 06 de mei
La prugramazion nueva per l radio dla RAI de Bulsan tla rujenedes tudëscia y ladina, la nvestizion da chëst ann per asfalt nuef sun la stredes, l bonus dla matura per se scrì ite al’università y la publicazion di paiamënc di dirijënc provinziei ie stai i argumënc prinzipei tratei dala Jonta provinziela ai 06 de mei y prejentei te cunferënza stampa dal presidënt Luis Durnwalder.
-
Paiamënc i dirijënc provinziei tl internet
La Jonta provinziela à (NCUEI) ai 06 de mei fat ora che i paiamënc di majeri dirijënc dla Provinzia y di ënc dëssa unì publichei sun la Rëi zivica.
-
Matura: Jonta provinziela tën sun la particularità dl Südtirol
Maturanc che à plu de 80 ponc pra la matura dëssa bele chëst ann giapé n bonus de ponc tl ejam de amiscion al’università. Chësc vëija dant n decret dl minister da dant Francesco Profumo. La Jonta provinziela à (NCUEI) ai 06 de mei abù da pesimé sun chësc bonus y uel arjonjer che l vënie tenì cont dla particularità dla matura tl Südtirol.
-
Jonta provinziela: 10 milion per asfalt nuef
L inviern cun truepa nëif à dantaldut sun la stredes ti luesc da mont lascià l sëni. Sëuraprò ai lëures per asfalt nuef che ie bele unic sëurandai, à la Jonta provinziela (NCUEI) ai 06 de mei fat ora de junté mo doi milion per miuré l asfalt. A chësta maniera uniral chëst ann spendù 10 milion per asfalt nuef.