Atualità

USP - Pra l cuncors provinziel de leteratura à l romann de Ivan Senoner tucà tan dassënn la cumiscion che l ie unì premià cun la publicazion. Ai 19 de dezëmber ie l liber nuef scrit per gherdëina unì prejentà ntan na sëira de leteratura a Urtijëi.

USP - A n ann de gran muvimënt iel (N SËIRA) ai 18 de dezëmber unì cialà de reviers, ma nce cialà inant pra la tradiziunela ancunteda da Nadel dl presidënt dla Provinzia y i media. Chëst, ultimo iede per Durnwalder, iela unida tenida tla scola auta per l’alimentazion a Haslach.

USP – Co schivé mo plu dann dla smueia a Badia ie stat l pont de majera atualità tla senteda dla Jonta provinziela (NCUEI) ai 17 de dezëmber. Dlongia pruvedimënc sun l mumënt, se ala nce tratà dl daunì: “Lascion analisé avisa cie che se lascia fé per seguré duta la costa danter S. Lenert y San Ciascian” à dit l presidënt dla Provinzia Luis Durnwalder.

USP – Per via dla gran smueia a Badia iel danter la populazion de S. Lenert y Pedraces na gran melsegurëza y de bujën de nfurmazion. Per chësta rejon mët la Provinzia y l Chemun, ncuei lunesc, 17 dezëmber, a jì na manifestazion de nfurmazion per i zitadins dala 17.00 tla cësa J.B. Runcher.

USP – La gran smueia che ova n juebia scumencià a se muever ie (NCUEI) dumënia ruveda nchin pra la Gran Ega. L ruf vën avisà ntëur cun roles sun na lunghëza de feter 200 metri, al mumënt iesen tl lëur de mëter ju mo 100 metri de roles.

USP – L raion tucà dala gran smueia a Badia ne se muev nia plu tan debota. Te chësc mumënt vëniel cialà de schivé che la ruve nchin tla Gran Ega. (NCUEI) N sada, 15 dezëmber, se à l presidënt dla Provinzia Luis Durnwalder y l assessëur ladin Florian Mussner fat n cheder dla situazion. „Ala families tuchedes da chësta catastrofa ti stajerons daujin tant che puderon“ à detlarà Durnwalder.

USP – Cun l cunzert d’Avënt tl Dom de Bulsan à sies grupes ladines (N SËIRA) ai 14 de dezëmberS nia me prejentà la tradizion particulera di luesc ladins de cianté y suné l’Avënt. Sun scumenciadiva dl Assessorat provinziel ladin iel unì pità mumënc de ancunteda danter la grupes de rujeneda.

USP – La situazion dles viles de Anvì y Sottrù a Badia ie deventeda mo plu dramatica: l rone che se ova bele muet n juebia, à (NCUEI) n vënderdi domesdì, 14 dezëmber, desdrù trëi cëses a Anvì. I abitanc fova bele la sëira dant mucei ora de cësa. Duman sada jirà presidënt Durnwalder nstëssa a ti cialé ala situazion y per la 11.00 iel udù dant na cunferënza stampa.

USP – La zifres statistiches di ciamps de majer nteres per l ann 2012 ie dan man. L Istitut provinziel de statistica Astat à dat ora n cudejel, che ie sciche ti ani passei nce da giapé tla rujeneda ladina.

USP – Ivan Senoner ova pra l cuncors provinziel de leteratura ladina venciù n pest straurdiner: si romann ie unì valutà tan bën dala cumiscion che l ie pona unì publicà te n liber a pert. N mierculdi ai 19 de dezëmber unirà chësc liber nuef, che trata de n romann scrit per jëuni, prejentà tl zënter per jëuni a Urtijëi. L assessëur Florian Mussner rujenerà dl valor de chësc liber per la mendranza ladina y Judith Piccolruaz cumpanierà la sëira de leteratura al tlavir.