Atualità

USP - La II Comisciun provinziala por la sconanza dla contrada, cun a će l’arch. Adriano Oggiano, à azetè tla sentada di 24 d’aurì dl 2012 n proiet de segurëza a Al Plan de Mareo.

USP – N lunesc ai 30 de auril iel n di danter la dumënia y l di de festa dl prim de mei, per chësta rejon resta i ufizies dla Provinzia sarei y de cunseguënza ne fej nce la Jonta provinziela nia si senteda dl lunesc. La proscima senteda dla Jonta provinziela sarà perchël l lunesc do, ai 7 de mei.

USP – La segonda cumiscion provinziela per la scunanza dla cuntreda à te si senteda de n merdi, ai 24 de auril azetà n ntervënt per tenì su sasc che manacia de tumé ju te Plan, tl Chemun de Sëlva.

USP - L Museum Ladin Ursus ladinicus a S. Ciascian fossa n ncësa ideal per la lores che ie n sada passeda unida meneda sot danter Tluses y Pruca. De chësta ie l presidënt l cumité scientifich dl Museum Ladin Heinrich Huber deberieda cun l diretëur Stefan Planker.

USP – Bruxelles che é n punt zentral dla politica europeica, vëgn chirì fora da tröpes tlasses de scores de paîsc desvalis. Inće i scolars dla provinzia de Balsan va tres indô tla "capitala dl’Europa". Les tlasses vëgn sostignides dala sënta destacada dla Provinzia a Bruxelles.

USP – Da n juebia nchin a n sada, 26 ai 28 de auril, vëniel fat lëures ti tuniei a Pruca, Urtijëi y S.Crestina. Per chësta rejon puderan de nuet me passe te una direzion al iede.

USP – Le sostëgn dla cualité dla vita y dla sanité te comuns dl Südtirol y di Grijuns: chësc é le fin dl proiet Intereg IV sagns deboriada„insieme sano-gemeinsam gesund” che à metü man dan da oramai n ann. Cin comuns dl Südtirol Türesc, Badia, Vahrn, St. Martin in Passeier y Truden sciöche inće cin comuns di Grijuns sostignarà y metarà a jì scomenciadies de partezipaziun ativa da pert dla popolaziun.

USP – Tratatives cun Roma per pudëi seguré l bilanz provinziel, l redicont y i cunsëies de aministrazion de sozieteies provinzieles, l’ancunteda di Alpini, la IMU per strutures publiches, l SMG y i nsenianc ie stai i argumënc zentrei dla senteda dla Jonta provinziela ai 23 de auril. L presidënt Luis Durnwalder à cunedì la dezijions tla cunferënza stampa riesc do la senteda.

USP – Dan numiné i reprejentanc dla Provinzia te vel sozieteies publiches, à la Jonta provinziela ulù udëi l rendicont. Tla senteda (da NCUEI) dl 23 de auril iel unì cialà ala fiera de Bulsan, l Eco Center, l aeroport y la sozietà dl’autostreda.

USP – Te si senteda da (NCUEI) ai 23 de auril à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce la promozion n ucajion dl’Ancunteda di Alpini y i pruvedimënc de segurëza, l IMU per strutures publiches y la trasfurmazion dl SMG.