Atualità

USP – La Jonta provinziela uel ruvé a na regulamentazion dla finanzes cun l Stat per seguré l bilanz provinziel ti ani. Tla senteda (da NCUEI) dl 23 de auril iel unì prejentà tant che l Stat dà ora tl Südtirol. Chësta soma cumporta na mesura mpurtanta de referimënt per la tratatives che ie de utl per pudëi prugramé l proscimo bilanz provinziel.

USP – I sculeies de Gherdëina à venciù la terza edizion dl turnoi interladin de hockey per la scoles mesanes. Tres chësta scumenciadiva sportiva dla scoles à i sculeies dla cin valedes ladines ai 19 de auril à abù ucajion de se cunëscer miec danter ëi.

USP – L Ministere per l’Istruzion a Roma à tl cheder dla scumenciadiva “Europa dl’Istruzion” scrit ora n pest Label 2012. La scoles dla provinzia che à fat esperienzes de partnerariat europeich possa tò pert al pest “L’Europa muda la scola”.

USP – La lege provinziela che pieta n cheder ai chemuns per mëter n droa la chëuta sun la puscions IMU unirà publicheda (DUMAN) n merdi ai 24 de auril tla Gazëta Ufiziela. La lege provinziela te chëla che l ie udù dant de plu pusciblteies de reduzion y n’aplicazion unitera di chemuns, jirà pona n drova n mierculdi ai 25 de auril.

USP – L’ena che vën, dai 23 ai 27 de auril uniral laurà sun la streda dl Jëuf de Sela. Per chësta rejon puderan ntan l di me furné de un n viers al iede.

USP - Per l ann de scola che vën se à danter scoles autes y prufesciuneles ladines scrit ite 6% de plu sculeies permez al ann passà. L majer aumënt ie stat tla Scola prufesciunela y Lizeum d’ert a Urtijëi. Aldò dl svilup demografich iel tla scoles de ublianza stat manco iscrizions y nscì se la cumpëida generela de sculeies mantenì feter valiva. Per l ann de scola 2012/13 iel tla valedes ladines de ndut 3.267 scric ite.

USP – Per fé cunëscer l drë valor dla lijëndes ladines al mond culturel talian vëniel dat ora l liber “Miti ladini delle Dolomiti”. L Istitut Ladin Micurà de Rü, la prufessurëssa Ulrike Kindl y l assessëur provinziel Mussner à (NCUEI) ai 17 de auril prejentà l proiet editoriel te chël che l vën scrit da nuef la lijëndes ladines abinedes adum da Karl Felix Wolff. Cun chësc proiet se an tëut dant de fé valëi la mpurtanza storich-culturela dla lijëndes ladines y de les dé inant te n cuntest de valuta leterera. Dut chësc per dé inant l arpejon che l mond ladin ova bele dat inant canche l ne univa mo nia scrit.

USP – Per fé pensé do la jënt sun l refudam che di per di devënta for de plu à la scola mesana “Arcangiul Lardschneider” de Sëlva nvià via la scumenciadiva “Trash Art”. Sculeies à tëut ca pec de refudam y fat dainora creazions artistiches. La mostra de chisc pec ie sën, sun nvit dl assessëur Mussner, da udëi tla cësa provinziela doi a Bulsan.

USP – Pratiches plu scëmples per mudazions urbanistiches, majera lidëza urbanistica per l turism, trasfurmazion dl SMG te n’agenzia, l archif dl Ente Nazionale per le Tre Venezie y servijes soziei per jënt da oradecà ie stai i argumënc zentrei dla senteda dla Jonta provinziela ai 16 de auril. L presidënt Luis Durnwalder à cunedì la dezijions tla cunferënza stampa riesc do la senteda.

USP – Te si senteda da (NCUEI) ai 16 de auril à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce la cuestion dl archif dl Ente Nazionale per le Tre Venezie y i servijes soziei per jënt da oradecà cun n cuatier tlo da nëus.