Atualità
-
Culaburadësses dla scolines mpera dutes deberieda
USP – Duta la maestres dla scolines ladines, assistëntes pedagogiches, praticantes y nce vel educadëssa n maternità à (NCUEI) ai 10 de fauré fat pea l di pedagogich a Urtijëi, dedicà al argumënt de rafurzé i mëndri y svilupé ressorses.
-
Minister Gnudi ie la persona de referimënt per l Südtirol n cont dla reformes de Monti
USP - L’ena passeda ova l presidënt di ministri Monti fat ora cun l presidënt dla provinzia Durnwalder che l ëssa nciarià na persona de referimënt per la tratatives cun l Südtirol. S’ën iel unì fat al savëi che l se trata dl minister ala regions Piero Gnudi che traterà cun i reprejentanc politics dl Südtirol per l’atuazion dla reformes te nosta provinzia.
-
Di pedagogich dla scolines ladines, ai 10 de fauré a Urtijëi
USP – L’educadësses dla scolines ladines se anconta n vënderdi ai 10 de fauré per n di pedagogich a Urtijëi. L di de ancunteda y barat ie dedicà al rafurzé di mëndri y svilupé ressorses. - Nvit ai media.
-
Ufizies de scola y cultura ladina sarei duman ai 7 de fauré
USP – I ufizies dl Departimënt educazion y cultura ladina - Inovazion y consulënza sarà duman, ai 7 de fauré sarei.
-
N vijita ala provinzia-tlima: Jonta provinziela sustën l culegamënt di proiec de ejëmpl
USP – L’efizienza energetica, funtanes de energia alternativa y l culegamënt danter i ciamps dl’energia ie tl Südtirol unic cuncretisei de plu che te d’autri raions. Per mustré su chësta posizion danora, à la Jonta provinziela (NCUEI) ai 06 de fauré dat pro de sustenì l culegamënt danter i proiec de ejëmpl te forma de na raida de vijites - Klimatour per grupes.
-
Jonta provinziela uel seguré stieres – festide per l daunì
USP – Tenian cont dla situazion economica atuela ti cëla i assessëures cun festide al daunì dla stieres, dantaldut per i jëuni. Davia che la situazion ie dut auter che da tò ala lesiera, uelen riesc tò su cuntat cun l’Università y la Camera de cumerz per udëi deberieda cie che se lascëssa fé.
-
Trëi nuviteies per i ejams de bilinguism
USP – La Jonta provinziela à (NCUEI) ai 06 de fauré dat pro trëi nuviteies n cont dla gestion di ejams de bilinguism. La se trata di argumënc dl ejam, rencunesciënza d’autri ejams y l mancë zënza giustificazion.
-
Jonta provinziela: pusciblteies nueves per ti tenì permez ala liberalisazions
USP – Do che l presidënt dla Provinzia se à ancuntà cun l presidënt di ministri a Roma, à la Jonta provinziela (NCUEI) ai 06 de fauré fat ora de ulëi adaté i pruvedimënc per se paré dala liberalisazions. Tla proscima senteda uelen se mëter a una cun reprejentanc dl cumerz y di chemuns sun co jì inant.
-
Dai 27 ai 29 de fauré iscrizions ala scolines ladines
USP – Ala fin de fauré, dai 27 ai 29, uniral tla scolines ladines tëut su l’iscrizions per l ann de scolina 2012-13. I plu pitli che possa unì scric ite muessa nchin ala fin de fauré 2013 avëi cumplì i trëi ani.
-
Berger a Roma damanda la librazion-IMU dla uties da mont
USP – Cun la ntroduzion dla chëuta sun la puscions IMU dëssel nce unì registrà i tublei y la uties da mont. La regions se à (NCUEI) ai 2 de fauré posizionà contra chësta ulentà dla Guviern. “Son ruvei a una de damandé de fermé chësta ulentà per abiné deberieda cun l Guviern na miëur soluzion” à dit l vizepresidënt Hans Berger do la senteda a Roma.