Atualità
-
I ponc zentrei de Tommasini tl bilanz provinziel 2012
USP – Passa 200 milion de euro iel per n auter ann udui dant tl frabiché soziel: cun 54 milion uniral frabicà cuatieres soziei y 90 milion unirà adurvei per l frabiché alesirà. L assessëur Christian Tommasini à (NCUEI) ai 18 de nuvëmber prejentà la prioriteies dl bilanz provinziel 2012 che reverda i cuatieres soziei, l sparanië per frabiché y aiuc per paië l fit dl cuatier.
-
La prioriteies de Mussner tl bilanz provinziel 2012
USP – l program di lëures publics dëssa judé l’economia da doi pertes: la strutures ie de utl per l’economia y la cumenanza, i scioldi che vën adurvei ruva tla mans dla firmes da tlo. L Assessëur Florian Mussner à (NCUEI) ai 18 de nuvëmber spiegà co che vën nuzei i scioldi de si Assessorat tl 2012.
-
La streda da Pruca ite dëssa inò unì miureda
USP – L stradon de Gherdëina da Pruca ie for inò unì miurà te si ponc plu critics. I ambolc de Gherdëina se damanda che l vënie mo slargià autri doi toc de streda. Per chësta rejon se à l assessëur ala stredes Florian Mussner (NCUEI) ai 17 de nuvëmber ancuntà cun i ambolc sul post.
-
L purtoi Frara puderà unì slargià
USP – La Segonda cumiscion provinziela per la defendura dla cuntreda à (NCUEI) ai 15 de nuvëmber dat na cunsultazion positiva per slargë l purtoi dai schi Frara sun jëuf de Frea.
-
Cuncors per l cuiertl di libri nueves de leteratura ladina
USP – I miëur pec dl cuncors de leteratura scrit ora dal Assessorat provinziel ladin vën nce recunesciui cun la publicazion te doi libri. Sën iel unì scrit ora n cuncors per la realisazion di cuiertli de chisc doi libri. Per la segonda pert dl cuncors “Autëures Ladins Scrij” iel da vëncer de ndut 2.000 euro y de plù libri da pudëi crì ora.
-
Tuniei de S. Crestina sarei ai 17 y 18 de nuvëmber
USP – La streda de zircunvalazion de S. Crestina messeràn juebia y vënderdi, 17 y 18 de nuvëmber unì sareda per via de lëures de manutenzion pra i tuniei.
-
Dala senteda dla Jonta provinziela dl 14 de nuvëmber
USP – La situazion critica n cont dla finanzes stateles y l Guviern talian nuef ie (NCUEI) ai 14 de nuvëmber stai argumënc zentrei tla senteda dla Jonta provinziela. Per via dla tenscion sun la sozietà dal strom SEL se à la Jonta damandà n cunsëi de aministrazion defin nuef. A S.Crestina puderal unì fat 400 liec turistics nueves.
-
Acurdanza cun radio privac per emergënzes
USP – La Jonta provinziela de Bulsan à dat pro n’acurdanza cun 17 radio privac n cont dl servisc de mandé ora comunicazion n caji de emergënzes. Per caji de majera prëscia uniral fermà la trasmiscions.
-
Jonta provinziela giata rejon sun la lege per i juesc de fertuna
USP – La Jonta provinziela à giapà rejon permez al Guviern a Roma n cont dla lege sun i juesc de fertuna. La Cëurt costituzionela à azetà la lege provinziela nueva per i juesc de fertuna che vëija dant na destanza de 300 metri danter sales da juech y scoles.
-
Jonta provinziela damanda n cunsëi dla SEL defin nuef
USP – Davia che la sozietà dal strom SEL à ultimamënter perdù truepa reputazion, ie la Jonta provinziela (NCUEI) ai 14 de nuvëmber ruveda al pont che la se damanda che dut l cunsëi de aministrazion vënie baratà ora.