Atualità

USP – Tla provinzia de Bulsan possen sën udëi programs de televijion ORF1, ORF2 y ZDF te cualità HD. Tla sënta dla Radiotelevijion-Azienda per l Südtirol RAS à l presidënt dla Provinzia Durnwalder ncuei, 6 de mei, mpià la trasmiscion sun tiera de chisc programs a na maniera che n possa i udëi te na mieur’ cualità. L’assessëura Kasslatter Mur à mpià la trasmiscion-RAS de trëi programs nueves da oradecà: ARTE, SRG La1 y 3Sat.

USP – Sun la stradon de Gherdëina riesc dedite da Pruca ie ncuei (5 mei) unì ju sasc. N majer sas à sfurzà i respunsabli dla stredes de saré la streda per pudëi l rumé demez. L ie udù dant de giaurì mo ncuei l stradon per la 5 domesdì.

USP – Na mostra de fotografies, films y cunferënzes sun argumënc alpins prejënta la Comunità di paejes alpins Arge Alp pra l festival dl chino da mont a Salzburg. Fotografs amatoriei y chiche fej filmes per hobby possa mandé ite si lëures al Ufize stampa dla Provinzia de Bulsan, per i lascé udëi a Salzburg.

USP – La Jonta provinziela à ncuei (3 mei) dat pro na maniera nueva de finanzië i servijes soziei. L unirà tëut n cunsciderazion tant che l ie nchin a mo unì paia ite per persona. “Per l finanziamënt da pert dla Provinzia ne conta nia plu la cumpëida di zitadins dassëula, ma nce l’esigënzes particuleres dl raion” spiega l assessëur provinziel Richard Theiner.

USP – La Provinzia vënd si azions dla Brennercom, l bon rating testemunieia n’aministrazion efizienta y segurëzes per l daunì, nce sce l bilanz ie unì smendrì vëniel dat ora unfat per sustenì sculeies y studënc. Chisc ie stai i argumënc de majer nteres tratei ncuei (3 mei) dala Jonta provinziela de Bulsan y prejentei ai media.

USP – Vijites menedes, cunferënzes, juesc y cunzerc uniral ai 16 de mei pità te 44 museums te duta la provinzia de Bulsan. La sesta edizion dl di di museums vën chëst ann tenida sot al moto “Museums per sté deberieda”. Programs speziei pieta per chësc di nce l Museum Ladin a S.Martin y l Museum de Gherdëina a Urtijëi.

USP - L puent riesc sota la cava dl Jëuf de Sela, sun puscion dl chemun de Sëlva, ie tan melciafià che l muessa unì fat da nuef. La Jonta provinziela de Bulsan à sun pruposta dl assessëur Florian Mussner dat pro de fé l puent da nuef y de garantì l muvimënt de streda cun na strutura provisoria.

USP – Move it, muev, pea man – l inuem dl proiet ie nce program: Cun chësc slogan nvieia i assessorac ai jëuni di paejes dl’Elpes Arge Alp, sota la presidënza dla Provinzia de Bulsan, a n cuncors de ideies per jëuni. L argumënt dl cuncors ie l respet.

USP – La Jonta provinziela à dat pro la carateristiches tecniches per mëter la roles dla linea internet danter Longega y Al Plan de Mareo. Sun pruposta dl assessëur Mussner uniral metù roles sota tiera per tré tres i cabli de fibra otica. Chësc sarà l prim majer lëur che unirà fat chëst ann tla Val Badia per miuré i culegamënc internet tres linees debota.

USP – Per la cura de bëns culturei à l’assessëura Sabina Kasslatter Mur pudù sëurandé 14 uneranzes. “A una iesen de curé y mantenì l ncësa, nia for nscila ne iela canche la se trata cie che dëssa unì curà y a cë maniera, perchël iel mpurtant uneré l lëur che ie unì fat y a cësta maniera fé al savëi l valor dla cura de bëns culturei” à dit l assessëura. Danter i unerei iel nce la familia Taibon de Mareo.