Atualità

USP – L sistem nuef per savëi da ulà che vën l refudam dla firmes se tlama SISTRI ("sistema per il controllo della tracciabilità dei rifiuti"). Aldò dl’Agenzia per l ambient dla Provinzia de Bulsan toma a chësta maniera demez la documentazion che fova ududa dant per lege, sciche la bola de cumpaniamënt, l reghister dal refudam y dal 2011 pona nce la detlarazion dl refudam dl ann (MUD).

USP – Te chëla che l Cunsëi provinziel de Bulsan à dat pro la lege omnibus ie per ressanamënc energetics unì tëuta demez la scadënza per l bonus de cubatura. “Te chëla che ie unì tëuta demez la scadënza ala fin dl 2010 possa i ressanamënc y l adurvé dl bonus unì fat zënza prescion dl tëmp” nsci l assessëur Michl Laimer.

USP – Da ncuei, lunesc 18 de fauré, iel da giapé l’edizion nueva dl liber dai cursc "zeit für weiterbildung" per. Chësta publicazion vën data ora tla defrënta cëses provinzieles, tla biblioteches y ti zëntri de furmazion. Nce chëst iede à l Ufize provinziel per la furmazion abinà adum na gran cumpëida de cursc d’uni sort danter fauré y agost 2010.

USP – Ai prims de merz vëniel tenì i ejams per maestri de schi, podejé y snowboard. Chiche ulëssa se scrì ite à mo dl’aurela nchin ai 12 de fauré per l snowboard, nchin ai 17 per l podejé y nchin ai 22 de fauré per l schi alpin. L’iscrizions ai ejams vën tëutes tl Ufize provinziel per turism y alpinism.

USP – Cumbater la puvertà y l’emarginazion ie l fin di programs nueves che ie unic prejentei ncuei (14 jené) dal assessëur provinziel Richard Theiner deberieda cun l diretëur dla Caritas diozejana y l presidënt dla Caritas dla Austria Franz Küberl. De atualità ie chisc programs nce davia che avisa te n’ena uniral a Madrid giaurì l ann europeich contra la puvertà y l’emarginazion.

Usp – I sculeies dla Scola Prufesciunela y dla Scola d’ert zipla chisc dis tla dlacià per n cuncors a Urtijëi. Scoles, lia turistica y chemun lëura te chësc proiet deberieda per sustenì l atività de nseniamënt y per pité l medemo mumënt n’atrazion artistica tl zënter. La premiazion vën tenida duman vënderdi ai 15 de jené.

USP – La mudazions ala lege sun l frabiché alesirà ie unides dates pro te Cunsëi provinziel: chësta arjonta ie aldò dl assessëur Christian Tommasini che ova njenià la pruposta, de gran valor. Per l assessëur ie la nuviteies dantaprima de utl per pudëi se adaté plu riesc a esigënzes nueves. A chësta maniera possel unì sustenì de plu chiche ie economicamënter dëibli y la tlas de davani mesan.

USP – 130 Cunsëies de furmazion sustën la Provinzia de Bulsan ann per ann. Per l ann 2010 possel nchin ai prim de fauré unì mandà ite dumandes de cuntribuc al Ufize provinziel per la furmazion.

Usp – Per sustenì chiche devënta o ie da permò deventei genitores à la repartizion provinziela per la cultura laurà ora cudejiei de nfurmazion tlamei “Lëtres ai genitores”. L fin prinzipel de chësc servisc ie dlongia la nfurmazion te plu ciamps dl’educazion nce chël de mëter a cuer tan zities che i prim ani de vita per l svilup dla persona. L proiet ie unì prejentà ncuei danmesdì (13 jené) a Bulsan, dai assessëures provinziei Kasslatter Mur y Theiner.

USP – Cun mostres spezieles y atrazions nueves a cater cëses dl Parch naturel scumencià si sajon da inviern. Doi zëntri reverda i parcs naturei tl raion ladin: l parch Fanes-Sennes-Braies a Al Plan de Mareo y la cësa nueva a S. Magdalena de Funes per l parch Naturel Puez-Odles. Giaurì à nce la cëses di parcs a Sand in Taufers y a Toblach.