Atualità

USP – Per ativiteies cultureles, artisc’ o ativiteies de furmazion n generel ti ciamp dla cultura ladina possen nchin ai prim de fauré 2010 damandé cuntribuc dala Provinzia de Bulsan. L assessëur ladin Florian Mussner y la Cunsulta culturela per la grupa de rujeneda ladina fej al savëi che la dumandes possa nce unides dates ju diretamënter a Urtijëi, Badia y Al Plan ntan udienzes spezieles.

USP – Per via dl custimënt de vita che ie auzà, à la Jonta provinziela adatà i criteries per ruvé permez a cuatieres soziei. Aldò dla pruposta dl assessëur de cumpetënza Christian Tommasini iel nce unì adatà i criteries per n sustëni l prim cuatier.

USP - La nrescida dla Camera de Cumerz che feter 30 chemuns, danter chisc nce cater ladins, pudëssa te 10 ani pierder truep de si zitadins ie stat argumënt de descuscion tla prima senteda dla Jonta provinziela tl ann nuef, a Bulsan. Do i doi dis de tlausura l’ena passeda, ie la Jonta jita inant cun details tecnics di argumënc bele tratei. Tla cunferënza stampa da ncuei (11 jené) à l presidënt Durnwalder nce prejënta l’idea de na zentrela de senialazion per l meltëmp, na delega de cumpetënza ai chemuns n cont de stredes ora di luesc, n plann provinziel per abiné su eghes y n servisc provinziel per mpresté rodes.

USP – Lies dal sport y dal tëmp liede, associaziuns y chemuns che uel damandé n cuntribut provinziel per ativiteies sportives y de tëmp liede, iel unì njenià formuleres nueves. La dumandes cun i formuleres che n possa tò ju dala plates internet dla Provinzia de Bulsan, possa unì mandedes ite nchin ai prim de fauré.

USP – Genitores de pitla mutans y mutons possa l’ena che vën scrì ite si mëndri ala scolina. Dai 18 nchin ai 22 de jené vën tëutes su la iscrizions per duta la scolines de Gherdëina y dla Val Badia per l ann de scola 2010-2011. Tla scolines ladines vëniel tëut su mutans y mutons che cumplësc trëi ani nchin ala fin de fauré 2011.

USP – N proiet nuef per smendrì burocrazia, na lingia de pruvedimënc per defënder l tlima, jì inant cun ntervënc contra la crisa economica, cumpetënzes nueves, reduzions de chëutes y n film fiction: chisc ie i argumënc prinzipei che la Jonta provinziela de Bulsan à tratà te doi dis de tlausura tla valeda de Ulten. Riesc daldò à l presidënt ncuei (8 jené) prejentà la dezijions de majer nteres, deberieda cun i doi vizepresidënc dla Provinzia.

USP – La Jonta provinziela à sëurandat la cunzescions per dodesc mplanc da fé strom che fej de ndut 1.800 milion de chilowatt al ëura. Davia che la Provinzia ne ruva nia do a dé cuntribuc per nvestimënc turistics ne possel da duman nia pu unì mandà ite dumandes nueves. Chisc ie stai i doi argumënc de majera mpurtanza che l presidënt Durnwalder à prejentà do l’ultima senteda dla Jonta provinziela dl 2009, ncuei (30 dezëmber) a Bulsan.

USP – Tan de plueia y nëif sciche ntan chësc dezëmber ne iel tla zità de Bulsan mo mei unì muserà dai ani 1920, da can che l vën tenì statistica. Nce ti autri raions dla provinzia de Bulsan iel de dezëmber, aldò dl Servisc meteologich, unì arjont recorc.

USP – La feter 40 cumiscions per la levines puderà se nuzé de na culaburazion nueva danter l Servisc provinziel per la levines de Bulsan y chël dl Tirol. Sun Internet vëniel metù a desposizion truepa nfurmazions de utl. Da nuef iel nce l orar de canche l vën dat ora la nuviteies sun la situazion dl pericul de levines.

USP – L zënter nuef dl Parch naturel Puez-Odles a S. Magdalena de Funes ie unì sëurandat ufizialmënter (inier) ai 29 de dezëmber tres l presidënt dla provinzia Durnwalder y l assessëur Laimer. La cësa che ie unida frabicheda per 3,3 milion de Euro fej pert de n majer cunzet che tol nce ite la scola y la scolina. Tlo dëssel dantaprima unì dat nfurmazion a chiche uel zapé ite tl Parch Naturel Puez-Odles.