Atualità
-
Auguresc de Durnwalder ai cater ambolc nueves
USP – Cater telegrams de auguresc à l presidënt dla provinzia Durnwalder ncuei mandà ai ambolc nueves de Mals, Plaus, Prëner y de Badia. Cun i auguresc se mbincia Durnwalder nce na bona culaburazion danter Provinzia y chemuns.
-
Jonta provinziela ai 4 de mei
USP – La Jonta provinziela de Bulsan à ncuei (04 mei) dat pro de plu finanziamënc per i chemuns y auzà l fond de rotazion a 100 milion de Euro, tl tres chël che l vën judà a paië ju i debic di chemuns. N cont de pitli ntervënc de frabiché y tla sanità iel unì smendrì burocrazia. La vedla utia dl famëi su Pices Fanes, tl Parch naturel Fanes-Sennes-Braies muessa unì zareda ju. Chësc à l presidënt Durnwalder prejentà ai media do la senteda dla jonta.
-
Jonta provinziela ai 11 de mei tl tunel de basa
USP – N lunesc 11 de mei vijitea la Jonta provinziela i cantieres de Aicha y Mauls ulache l vën giavà l tunel esploratif dl tunel de basa dl Prëner. L presidënt Durnwalder cun i assessëures y reprejentanc di media se anconta dala 10.45 a Aica y pona dala 12.45 a Mauls pra l bocula dl tunel.
-
Grijons y furlans anconta l model scolastich ladin
USP – L nteres per l model dla scola paritetica ladina devënta for majer. N juebia 7 de mei se anconta delegazions de studënc dai Grijons y dal Friul cun l assessëur Mussner y n ntendënt Verra a Bulsan per mparé a cunëscer l model dla scoles ladines.
-
Mussner y Kasslatter Mur vijitea i lëures a Furtëza (cun audio)
USP – Ora de n furtin militer possa nascer na luegia d’ancunteda y de cultura; chësc à la Provinzia de Bulsan mustrà cun i lëures de adatamënt tl furtin de Furtëza. Tlo vëniel do la mostra Manifesta 7, chësta ann metù a jì la mostra interregiunela. I assessëures provinziei Florian Mussner y Sabina Kasslatter Mur à ncuei (28 auril) vijità i lëures. Te chësta ucajion iel nce unì prejentà l liber "Metamorphosis" n referimënt a Furtëza.
-
3,7 milion per la streda sun Plan de Gralba
USP – L Guviern provinziel à n lunesc (27 auril) dat pro la carateristiches tecniches per cumedé la streda danter Sëlva y Plan de Gralba. Per cumedé 1,6 chilometri de streda ti raions dl luech da Merch iel unì dat pro lëures per n custimënt de 3,7 milion de Euro.
-
N ëura de plu tl’elementeres ladines
USP – Tla scoles elementeres ladines uniral d’autonn tenì n ëura al’ena de plu. Per la prima tlasses arà la singula scoles alincontra la puscibltà de smendrì l’ëures fajan a chësta maniera la sada liedia. Chëstes ie la majera nuviteies che porta la ndicazions nueves per la scoles elementeres y mesanes tla valedes ladines, dates pro inier, 27 de auril, dal Guviern dla Provinzia de Bulsan.
-
Jonta provinziela dl 27 auril
USP – La Jonta provinziela de Bulsan à scumencià ncuei (27 auril) a mëter n drova l program de pruvedimënc per la persones tuchedes dala crisa economica. L ie unì dat pro finanziamënc per programs de furmazion prufesciunela y cuntribuc per firmes. Per nvestizions di chemuns dl Südtirol iel unì dat pro 70 milion de Euro. L presidënt Luis Durnwalder à prejentà do la senteda dla Jonta provinziela, de plu ponc de majer nteres.
-
Piedies de lores nce tla Val Badia
USP – Tl raion chemunel de S.Martin de Tor, tla Val Badia, iel unì abinà piedies de lores. Chësc vën fat al savëi dal Ufize provinziel per ciacia y pië pësc. Do la lores tl raion dl Jëuf de Gampen-Penegal y tla Val de Isarch auta, ie chësta bele la terza lores tl Südtirol.
-
Sculeies de La Ila anconta Durnwalder
USP – La situazion atuela n cont dla Scola auta a La Ila y di Ladins n generel ie stai argumënc dl’ancunteda dl presidënt dla provinzia Luis Durnwalder y trëi tlasses dl Istitut tecnich y Lizeo de La Ila.