Atualità
-
Reprejentanc di sculeies rejona de dërc y proiec a Roma
USP – I presidënc dla cunsultes di studënc de duta la Talia se à i dis passei ancuntà a Roma. Danter chisc fovel nce Renè Pescoll per la grupa de rujeneda ladina che à fat pea n program rich de ancuntedes, rujenan danterauter nce cun l minister Mariastella Gelmini.
-
Durnwalder a Togo: sies proiec purtei inant
USP - Do Benin, ie Togo la segonda stazion dl viac dl presidënt dla Provinzia Luis Drunwalder tl’Africa. Te chësc raion à la Provinzia y la Region sustenì de plu proiec de culaburazion per l svilup: aiut per vierces, costruzion de na scola prufesciunela y n zënter scolastich per feter 250 mëndri y jëuni.
-
Stiera da diretëur per raions da mont
USP - Tl Ufize provinziel per ruves da mont y levines vëniel crì n diretëur nuef. L cuncors unirà publicà n lunesc che vën, 9 de merz tla plata ufiziela dla Region. Nteressei possa mandé ite si documentazion de dumanda nchin ai 8 de auril.
-
Contra radicalism y viulënza tl’Aules
USP – L’edizion nueva dla revista dla scola ladina "Aules" ie dedicheda al argumënt "Contra radicalism y viulënza". Chësta plata che vën spartida ora a duc i nsenianc dla scoles y scolines ladines ie nce da giapé tla Ntendënza Ladina a Bulsan.
-
Campania cun Manfred Mölgg
USP – La campania nueva de promozion de prudoc cun la merca de cualità Südtirol ie nce unida fata per ladin. Cun l moto “Cualité davagna” fej l campion de schi Manfred Mölgg promozion per ladin.
-
Jonta provinziela dl 23 de fauré
USP – Doi stredes tl raion de Burnech ie ncuei states argumënt tla senteda dla Jota provinziela de Bulsan: l tunel sota Ciastelbadia y na zircunvalazion nueva per Stegen. I argumënc da majer nteres à l president prejentà do la senteda te na cunferenza stampa.
-
Dolomites arpejon naturela: sotscrì la dumanda
USP – De Juni dëssa la Unesco traté sce la Dolomites possa unì tlameda “arpejon naturela mundiela”. N var de chësc viers iel chisc dis unì fat dal presidënt dla Provinzia de Bulsan Drunwalder y dal assessëur Laimer te chëla che i à prutà inant la vesion nueva dla segonda dumanda al’Unesco.
-
Ntreda tla Val Badia y tunel: reunion di zitadins ai 25 de fauré
USP – La ntrenda nueva per la Val Badia y l tunel sota Ciastelbadia ie i argumënc zentrei dl’ancunteda di zitadins n mierculdi 25 de fauré a S.Laurënz. L assessëur ala stredes Florian Mussnet prejenterà y respunderà a dumandes n cont i doi proiec ndependënc.
-
Dé internazional dl lingaz dla uma 21 de forà 2009: Mussner
“Le lingaz dla uma é üna dles arpejuns plü stersces dla porsona, al à raîsc che ne mör nia fora, gnanca sce na porsona se trasferësc te n ater paîsc”, scri l’assessur ladin Florian Mussner en ocajiun dl dé internazional dl lingaz dla uma. Le lingaz dla uma cun chël che an à imparè da ti dè espresciun ales prömes descovertes sön le tru dla vita devënta na unité cun la porsona instëssa che ne despartësc nia plü le pinsier dal lingaz.
-
Jonta provinziela dl 16 de fauré
USP – Scioldi per i chemuns, l barat danter Stat y Provinzia n cont di cuatieres di saudeies, l program dl Ufize provinziel dl’ëiles y dl Ufize provinziel de statistica nchin tl 2011 ie stai i argumënc prinzipei che l presidënt à prejënta do la senteda dla Jonta provinziela de chëst ena.