Atualità

USP - Le pinsier al lingaz dla uma n’é gonot nia cosciënt, deache al é na pert de nos. Ma sc’i se confrontun cun i atri s’intenunse d’ester atramënter, de fà pert de n ater grup che se dà identité y se desfarenziëia dai atri. La cosciënza de fà pert de n grup ne dess mai condüje a combate i atri, mo mëss jì le tru dl respet, dl’azetaziun y dla pesc. L’assessur Florian Mussner sotrissëia cun chisc pinsiers l’importanza dl lingaz dla uma en ocajiun de so dé internazional dl lingaz dla uma ai 21 de forà.

USP - Na delegaziun dl Istitut Cultural “Cesa de Jan” de Col é rovada adalerch ai 7. de forà a San Martin de Tor por s’incontè cun l’Assessur Ladin Florian Mussner. “La colaboraziun danter Ladins ti ciamps dla scola, cultura y ert dess gní intesivada y jí sura i confins dla Provinzia fora” inscö Mussner.

USP - Ueia de scrì, de vester criatifs y de Ve museré cun i autri? I lëures possen dé ju pra l Ufize Cultura ladina nchin ai 31 de jené 2008!

USP - Le Assessur ladin Florian Mussner adöm cun la Consulta culturala provinziala por le grup linguistich ladin recorda che les domandes por n contribut provinzial por ativitês culturales, por artistes y artisc, ativitè de formaziun en general, mëss gnì dades jö anter i 31 de jenà 2008 Les domandes por contribuc por investimënc culturai po gnì fates tratan döt l’ann.

USP - L’ Assesur ladin Florian Mussner á chërde ite ai 9 de jenà na sentada dl Comitê de coordinaziun por manifestaziuns culturales o artistiches che reverda plö grups linguistics. Tl zënter dla discusciun i programs culturai por l’ann 2008. Por le pröm iade à le comitê metü a desposiziun i contribuc culturai por les lies bel de jenà, incër 700.000 euro.

USP - I sculeies y la sculées che fej chëst ann la matura possa śën se arjinië ca plu a puntin per l ejam de matura. La Ntendënza ladina y l Ministero a Roma fej al savëi la materies che unirà chëst ann purtedes dant pra l segondo ejam scrit dla matura. Nce la materies per chëles che vën udù dant n ejaminadëur da dedora ie ruedes ora.

USP - Sciche udù danora dala lege muessel unì fat cuntroi sun i cuntribuc culturei cunzedui dala Provinzia. L vën cialà do plu avisa l 6% dla domandes suvenzionedes tl ann 2006: chëstes unirà trates ora a cajo ai 12 de dezëmber 2007.

OSP – Le salf de laûr protezionè por porsones cun impedimënc a Urtijëi po gnì fat sö danü. Por la sënta nöia dl Istitut Cultural Ladin de San Martin de Tor podéssel ince gnì cumprè plazes da parchè te n garage sot tera ite. Trami i proiec é inier, ai 3 de dezëmber, por ci che reverda la pert tecnica, gnüs valutà positivamënter dal’Assistënza Tecnica Provinziala.

USP - L’Assessur Provinzial Florian Mussner s’à ti ultimi dis fat n’idea dl insegnamënt d’integraziun tles scores dles valades ladines. Dantadöt tles scolines y tles scores elementares déssel gnì ciarè deplü a n’integraziun bunoria de mituns y mitans cun dificoltês, arata l’Assessur Provinzial, do avëi baié cun les maestres de sostëgn y cun pedagoghes. Mussner à laldè l’engajamënt da pert dles maestres y dles pedagoghes, sciöche ince dl grup de laûr por l’integraziun tles scores ladines.

LPA - Les Naziuns Unides à protlamè i 21 de novëmber sciöche le „Dé mondial dla televijiun“. L’Assessur Provinzial por la cultura ladina Florian Mussner tol chësc dé sciöche ocajiun por renvié ala gran importanza dla televijiun por le mantegnimënt y le svilup dl lingaz dla uma dla mendranza ladina te nosc paîsc. Mussner rengraziëia düc i jornalisc y i colaboradus, che dëida para pro les trasmisciuns televisives ladines.