Atualità

USP – Tl’Europa carateriseda da na culaburazion sëura i cunfins y l marcià globalisà, devëntel for plu mpurtant a cunëscer rujenendes. „Savëi da rujené de plu rujenedes porta vantages“, sorissea i assessëures provinziei ala scoles Florian Mussner, Luisa Gnecchi y Otto Saurer n ucajion dl di dla rujenees de duman dumënia, 26 de setëmber 2004.

USP – Ndut iel stat diesc ponc mpurtanc che la grupa de lëur per l purté inant plu aslune i lëures sun la stredes dl Südtirol, à tëut tres te si senteda de inier juebia, 23 de setëmber a Bulsan. Rapresentanc dl coleghium di lëures publics cun l assessëur Florian Mussner à rujenà sun diretives per la firmes de costruzion, ma nce per proietanc, cun l fin che i lëures possa ji inant aslune, zënza dificulteies y zënza custimënc sëuraprò.

USP – La streda dla Val Badia unirà duman vënderdi, 24 de setëmber sareda per dut l muvimënt sun duta la lunghëza; chësc ie debujën per rejons de lëures. Ai 30 de setëmber y prim de utober 2004 saral pona debujën de saré mo n iede la streda a Longega per de plu ëura.

USP – Per via di lëures che vën fai sun la streda da Plan de viers de Frea y Jëuf dl Sela, vën chësta streda n vënderdi ai 24 de setëmber sareda da duman ora.

USP - Cun truëp ntujiasm y gran nteres ie uni tëut su l forum da chëst ann tenì l ultimo vënerdi tl Ciastel Colz a La Ila. Truëp artisc y nteressëi d’ert ie ruvei caprò da Gherdëina y dala Val Badia per pudëi to pert ala manifestazion metuda a ji dal Assessorat per la Cultura Ladina.

USP – Chi che fej tl ann de scola 2004/05 vel furmazion de basa o furmazion spezialiseda per n mestier tl ciamp saniter possa fé cont cun vel suvenzion de studi sce l tën ite la cundizinos damandedes. Chësta normativa vel nce per la ncëires prufescioneles y de aiut tl ciamp saniter.

USP – L Ufize provinziel per sparanië energia ne dajerà dal 21 de setëmber nia plu ora cuntribuc per furniei a uele o a gas. Da moinla uniral me plu sustenì energia che se lascia renuvé.

Tl’ena danter l 20 y l 24 de setëmber 2004 tenirà i culaburadëures di ufizies provinziei per l artejanat udienzes tla sëntes destachedes.

USP – Danter i ndut 28 proiec che la Sgonda cumiscion per la defendura dl’ambient à tëut tres ntan chëst ena iel nce chëi dl purtoi „Florian“ y dl hotel Steger sun Mont Sëuc. Chisc doi proiec à giapà n bestè positif nscì sciche nce pra duc i autri proiec tëui tres, dij l presidënt dla cumiscion Adriano Oggiano.

USP – N bënsté positiv n cont dla valutazion dl dann ambientel (UVP) iel unì dat per na plaza dal Golf a St. Vigil de Sëuc, tl Chemun da Ciastel. Chësta decijion ie unida tëuta ncuei, mierculdi 15 de setëmber pra na senteda a Bulsan.