Atualità
-
Udienzes dl Ufize per i Artejans
Tl’ena danter l 23 y l 27 de agost 2004 tenirà i culaburadëures di ufizies provinziei per l artejanat udienzes tla sëntes destachedes.
-
Persones tl lëur dal 2000 nchin al 2004
Dla 383.100 persones sëura 15 ani tl Südtirol iel al sumenciamënt dl ann 2004 stat 226.600 despostes a lauré. L 98% à n lëur y l 2% chir da lëur. Gran pert lëura tl ciamp di servijes (63%). Chisc ie i resultac dl’ultima nrescida dl ASTAT sun la persones tl lëur. Sce n ti cëla a duc i trimestri dal scumenciamënt dl 2000 vëijen che la cuota de chëi che davania ie aumenteda da 68% a 72%, la cuota dla persones zënza lëur ie te chësc tëmp resteda ntëur i 2,5%.
-
Nchin ai 20 de agost iel mo da udëi l "Mister dla forma"
USP – Ntëur 1.000 ie stai i vijitadëures dl Museum Ladin a San Martin de Tor a udëi la figures de bront de Richard Agreiter. La mostra dla scultures de bront „Mister dla froma“ ie mo da udëi nchin n dumënia ai 22 de agost 2004.
-
Tlausura sun l’economia te Gherdëina
USP – De sustëni y regulamentazion dl’economia tratova n di de tlausura tenì te Gherdëina dal Assessëur provinziel al’economia Werner Frick y i dirijënc dl Assessorat per l’Economia y Finanzes. Per d’autonn ulëssen bele pruté dant de plu prupostes de lege.
-
Giaurida dl troi dla natura nuef a Zans ai 20 de agost
USP – La particulariteies dla natura y dla cuntreda ntëur a Zans tla valeda de Funes possen damoinla udëi dal troi nuef dla natura. Chësc troi ie nce da ti ruvé permez per la persones sun n stuel da rodes. L presidënt dla Provinzia Luis Durnwalder y l assessëur Michl Laimer giaurirà ufizialmënter l troi dla natura metù a ji tres i ufizies Parcs Naturei y per l’Aministrazion Furestela, n vënderdi ai 20 de agost 2004 dala 11 danmesdi a Zans.
-
Liëndes ladines son n gran suzès
USP - Gran suzès pro les porsones dl post y foresti à albü la manifestaziun sön le monn dles liëndes ladines mëtüda a jì tles ultimes dös edemes dal Assessorat provinzial por la Cultura ladina.
-
Formulares per la detlarazion de nia paië l tichet nce tl internet
USP – I formulares per la detlarazion nueva per nia messei paië l tichet possa sën nce unì desciariei dal internet. La vedla detlarazions ie tumedes cun l prim de agost 2004.
-
Maridei, spartí y devorziei tl cunfront danter Südtirol y UE
L’età media dl ël, che se marida (l prim iede) fova tl ann 2003 aldó dl Istitut de statistica ASTAT de 33,6 ani. Pra l’ëila ova n media 30,6 ani. Ntan l ann 2003 se à spartì 641 peres, l 60% cun un o doi mutons. I peres zënza mutons fej ora l 30%. Dal ann 1975 ie la cumpëida di devorziei belau aumenteda de trëi iedesc, tl ann 2003 iel tl Südtirol stat 368 caji devorziei.
-
„Semi de na nuet de instà“ n merdi ai 10 tl Museum Ladin
USP – L Museum Ladin Ciastel de Tor mostra duman, merdi 10 de agost 2004 dala 21.15 l pez „semi de na nuet de instà“ te doi rujenedes de Wiliam Shakespeare. L se trata de na produzion la lia culturela ErehwoN, cun la creazion musichela dl cumponist Alessandro Trebo de S. Martin de Tor.
-
Presentazion nueva dla ripartizion dl personal tl internet
USP – La presentazion dla Ripartizion provinziela dl personal tl internet ie unida fata da nuef n cont de grafica y de cuntenut. Sun la plates fates da nuef iel da abiné nfurmazions sun la puscibiliteies de lëur, stieres liedies tla Provinzia, dumandes, graduatories, cuncorsc de lëur y l regulamënt de personal. L assessëur per l personal Thomas Widmann ie dla minonga che sce n adrova bën la tecnologies nueves possen arjonjer n mieur cuntat cun la populazion y smendrì la burocrazia.