Atualità

Usp – Pra l vocabuler „tudësch – Ladin de Gherdëina“ iel unì fat na CD. L Istitut Culturel Ladin „Micurà de Rü“ l presenterà n mierculdi ai 17 de dezëmber 2003, n presënza dl assessëur ladin Florian Mussner, tla Scolina nueva Salieta a Urtijëi.

Usp – La sgonda cumiscion per la defendura dl’ambient à te si sënteda tëut tres l proiet per fé na streda chemenela a Mareo, Pluania. I resultac de n sëuraluech fajerà to na decijion.

Usp – Per l bon lëur cun l proiet plurilinguistich „Museumspass“ à na delegazion dla 2a tlas dla Scola Mesana de Urtijëi pudù pié do a Roma, tl Ministero per l’Istruzion, l pest „Label“. Ala premiazion de n juebia ai 11 de dezëmber, ie nce furnei l ntendënt Roland Verra, l diretëur Helmuth Senoner y nsenianc che à judà pea tl proiet.

OSP - Duman juebia ai 11 de dezëmber 2003 furnea na delegazion dla Scola Mesana de Urtijëi cun l Ntendënt Roland Verra a Roma a pië do l pest sëurandat dala Ministra dla Istruzion Moratti. La scola à venciù l prim pest LABEL per la categuria scola mesana cun n proiet sun l’educazion linguistica ntegreda, l pest vën sëurandat ai mieur proiec sun la rujenedes.

Usp – L ie unì scrit ora n cuncors per la stieres da nsenianc de tlas y per nsenianc de religion dla scoles elementeres ladines. La dumandes per fé pea al cuncors possa unides dates ju nchin ai 23 de jené 2004 tla Ntendënza ala Scola Ladina a Bulsan.

Usp – Strutures publiches o privates che lëura tl ciamp soziel y che à la predisposizions per giapé n sustëni publich, possa damandé n antizipazion dl cuntribut per l ann 2004. L’Aministrazion Provinziela dà 70% de antizipazions sun l cuntribut ordiner. La dumandes muessa unides dates jù nchin ai 15 de dezëmber tl Ufize Provinziel per familia, ëiles y junëza.

La populazion cun n livel de furmazion plu aut ie aumentedea respet ai ani 70. Amenteda ie nce la percentuela dla populazion cun l diplom de scola auta de belau 20%. L aumënt de chëi che à fat la scola de speczialisazion ie de plu o manco cater percënt.

Usp – L Servisc per la levines à chisc dis metù man cun l to sù nfrumazions sun l tëmp y la cundizion dla nëif. La situazion n cont de levines vën de norma fata al savëi trëi iedesc al’ena. Nteressei giapa la nfurmazions tres zaites, radio, telefonn, internet y sën nce sun l teletext dla Rai de Bulsan.

L ie unì njenià na publicazion che cëla de reviers ai ultimi diesc ani de architetura ti lëures publics tla Provinzia de Bulsan. Chësta scumënciadiva, purteda inant dal Assessorat ai Lëures publics unirà presenteda n mierculdi 10 de dezëmber a Bulsan dal Presidënt dla Provinzia Luis Durnwalder y dal Assessëur Florian Mussner.

Usp – Do che l’ena passeda fova tumà jù plu sasc sun la streda che mëina da Pruca nchin te Gherdëina fovel stat debujën de zaré la streda. Sun urdinaza dl Assessëur ai lëures plublics Florian Mussner ie la streda ncuei juebia, domesi inò unida giaurida.