Atualità

OSP - L’Assessur ladin Florian Mussner se detlarëia dassënn cuntënt por la comunicaziun ofiziala dla santificaziun dl beat da Oies de Badia Ujöp Frenademetz ai 5 d’otober a Roma.

(OSP) "Cun le lingaz dla uma déssun avëi ligrëza: le lingaz n’é nia ma n strumënt de comunicaziun, mo al é na pert de nos instësc y espresciun de nosta cultura", insciö l’assessur ladin Florian Mussner en ocajiun de chësc Dé internazional protlamè por en vëndres, ai 21 de forà dal’UNESCO.

OSP - L’Assessur por la cultura ladina dott. Florian Mussner y la Ripartiziun cultura y scora ladina lascia alsavëi che l’aziun "Kulturpass" va inant ince tl ann 2003. L’nü "Kulturpass" po gni damanè do fina ai 31.01.2003 y vel dal 01.04.2003 por dui agn. L’"Kulturpass" dl momënt vel ciamó fina al 31.03.2003.

OSP - Tla perioda 1997-2001 fô la dorada de vita mesana pro i ëi de de 77,0 agn y pro les ëles de 83,4 agn. Chësc corespogn a 40 agn deplö co tl mëteman dl 20ejim secul.

OSP - Le plann provinzial nü di trasporc é sëgn da ciafè online sön les plates dla Rëi zivica südtiroleja.

OSP - Inier él gnü davert ofizialmënter, cun na picera festa, le punt nü realisé a Pruca. Le punt nü, che fej da passaje sön l’Isarch por le trafich y la ferata, á costè 1,445 miliuns d’Euro y é gnü realisé te feter dui agn de laûr.

OSP - Dal 27 de dezëmber 2002 dauriarà indô al publich les ciases di parcs naturai de Türesc, Toblach y Al Plan de Mareo. L’orar de daurida é dal mertesc ala sabeda, dales 9 da duman fina les 12.30 da misdé y dales 16 ales 19.

OSP - Le punt nü, che dô dui agn de laûr é gnü realisé a Pruca, gnarà inaudè le proscimo mercui, ai 18 de dezëmber. Le punt vedl restarà inant davert por le trafich fina che ince la strada nöia gnarà daverta.

OSP - Le proscim lünesc, ai 16 de dezëmber, sarál en scioper nazional tl setur dl trasport publich. Te nosta provinzia sarál le personal dla Sasa, dla Sad y Alm che ne jará nia al laûr.

OSP - Na colaboraziun por dè na soluziun ai problems che reverda trames Provinzies, la cultura y i ladins ampezans: chisc i tems metüs sön mësa intratan l’incuntada da inier nanter le presidënt dla Junta provinziala de Balsan Luis Durnwalder y le ombôlt nü de Cortina d’Ampëz, lité chëst ann, Giacomo Giacobbi.