Atualità

OSP - Le vizepresidënt dla Comisciun por i Afars Costituzionai dla Ciamena di Deputac, on. Pietro Fontanini dla Lega Nord, á te na interogaziun damanè le minister por les telecomunicaziuns, Maurizio Gasparri, che al vëgnes de plëgn apliché la lege 482 dl 1999 che reverda la sconanza di lingac storics y minoritars dla Talia.

OSP - Aladô de la lege provinziala dl 15.05.2000 n. 9 mëss düc i cians söl teritore provinzial ester arjignà ite cun n microchip.

OSP - Fina ai 31 de otober resta ciamò daverta al publich la mostra dl scultur Guido Anton Muss ti salfs dl Museum Ladin "Ciastel de Tor" a San Martin.

OSP - Tl 2001 á les organisaziuns dl educaziun permanënta tla provinzia de Balsan metü a jí indüt 4.638 cursc, che corespogn a en total de 142.945 ores de leziuns y 66.032 partezipanc.

OSP - L’aministraziun provinziala fej alsavëi che in chësc vëindres, ai 18 de otober, podarà le scioper general proclamè a livel statal avëi sospenjuns y limitaziuns ince por cî che reverda devalies sorvisc provinziai.

OSP - Florian Mussner s’á incuntè cun la popolaziun dla Val Badia y á fat en pice bilanz dô diesc mëisc d’ativité sciöche assessur ladin. Le trafich y la scora é stades ciamò en iade les tematiches prinzipales. Novitês él por les trasmisciuns dla RAI-Ladina.

OSP - Dai 15 de otober (dales 9 daduman) fina ai 13 de dezëmber gnarál stlüt dal punt de Pruca la strada por Gherdëina.

OSP - Chîsc dis pëia ia le sorvisc nü de informaziun dl Ofize stampa provinzial (OSP) ince por ladin. I articli gnará menà a düc i media ladins; por i utënc dla rëi internet él a desposiziun chësc sît ladin nü.