Atualità
Dezijiuns dla IIª Comisciun provinziala por la sconanza dla contrada
USP - Tla sentada da en mertesc, ai 3 de mà 2005 à la IIª Comisciun provinziala por la sconanza dla contrada dè so bëgnstè por la costruziun de n lift da cater a Sëlva. La Comisciun cun a ce Adriano Oggiano à valuté indöt 24 proiec, danter chisc ince na ligna de interesc privac, y n’à aprovè 20.
Aladô dla IIª Comisciun provinziala por la sconanza dla contrada po le lift “Sotsaslong” sön Plan de Gralba tl comun de Sëlva gnì remplazè da n lift da cater posć. L’implant da jì söpert nü dess portè a munt 1800 porsones al’ora impede les 900 dl lift vedl che gnarà trat jö. Le lift nü da cater posć gnarà tignì sö da 11 pilastri. Danter les prescriziuns dades dant dala Comisciun él inće chëra de partì sö atramënter i volums dles staziuns a val y a munt y de mudé la posiziun dl magazinn ajach’al dà massa tl edl. Implü él gnü damanè na cauziun de 50.000 euro.USP
