Atualità
Domandes de contribut por la cultura ladina
Les domandes de contribuc provinziai por ativitês culturales, sostëgn artistich y ativitês de formaziun po gnì dades jö cina ai 31 de jenà 2006; le terminn di 10 de novëmber 2005 vel ma por la cultura todëscia y nia por chëra ladina.
L’assessur provinzial Florian Mussner lascia al savëi che les domandes por ciafè contribuć dala Provinzia por ativitês culturales, de formaziun y de sostëgn ai artisć mëss gnì dades jö ćina en mertesc, ai 31 de jenà 2006. Le terminn di 10 de novëmber 2005 vel ma por la cultura todëscia che à te chësc vers mudé i criters. Tl ćiamp dla cultura ladina réstel döt sciöche denant. Por investiziuns culturales pol gnì fat domanda tratan döt l’ann. I formulars por presentè domanda ti gnarà menà fora ales uniuns y ai ënć ladins, ales artistes y ai artisć ladins ala fin de novëmber por posta. Implü sarà chisc formulars inće da podëi desćiarié jö da internet sot a www.provinz.bz.it/cultura-ladina o da ciafè tl ofize provinzial por la cultura y scora ladina, Bindergasse 29 a Balsan, tel. 0471/417020 o 0471/417021.UV
