Atualità

Scora / Cultura | 11.11.2005 | 11:01

Convëgn “Vivere le lingue/Sprachen leben und erleben/Viver la rujenedes”

Les trëi Intendënzes scolastiches dla Provinzia deboriada cun i Istituc pedagogics di trëi grups linguistics mët a jì ai 16 y 17 de novëmber 2005 n convëgn sön le “Portfolio europeich di lingac”. Tl “Pavillon de Fleurs” a Maran s’incuntaràl n grup de porsones espertes da sis paîsc europeics che tratarà da n punt de odüda internazional l’argomënt “Vivere le lingue/Sprachen leben und erleben/Viver la rujenedes”.

Ara se trata de n avenimënt important por le monn scolastich y cultural de Südtirol, n momënt de reflesciun y d’aprofondimënt sön le “Portfolio europeich di lingac” che é n proiet por n’autovalutaziun dl imparè i lingac. Dlungia porsones espertes dal’Austria, dai Paîsc Todësc, dala Svizra, dala Francia, dai Paîsc Basc y dala Talia él inće preodü referać da pert de espertes che vëgn da Südtirol sciöche Carlotte Ranigler, Carmen Rubatscher und Maria Rosa Lombardo. Ares baiarà de portfolios di lingac y dl’importanza dl imparè i lingac te scora. Sambëgn tolaràl inće la parora i assessurs por la scora Otto Saurer, Luisa Gnecchi y Florian Mussner. Le convëgn “Vivere le lingue/Sprachen leben und erleben/Viver la rujenedes” vëgn tignì ai 16 de novëmber (dales 8.30 ales 18.00) y ai 17 de novëmber (dales 9.00 ales 13.00) tl “Pavillon de Fleurs” a Maran. I massmedia é invià a tó pert al convëgn.

UV