Atualità
Strada dla Val Badia: da en mertesc, ai 18 d’aurì inant ma plü daverta por le trafich pesoch
Por portè a fin i laûrs sön la strada dla Val Badia tl tòch danter Mantëna Todëscia y Longega messarà la SS 244 indô gnì stlüta da en mertesc, ai 18 d’aurì inant cina ai 28 de messè. Ara restarà ma daverta por le trafich pesoch.
Do les festes da Pasca gnarà le trafich sön la strada dla Val Badia indô limité. Da en mertesc, ai 18 d’aurì dales 6.00 inant ćina ai 28 de messè 2006 podarà la strada danter Mantëna Todëscia y Longega (km 2,6 ćina km 9,5) ma plü gnì adorada dal trafich pesoch. I auti messarà se joè dles strades panoramiches.“Chëstes limitaziuns por le trafich va debojëgn por podëi stlüje jö i laûrs de comedöra y de costruziun sön chësc tòch de strada” à splighé l’assessur por i laûrs publics Florian Mussner che à sotescrit en mertesc, i 11 d’aurì chëst’ordinanza.
UV
