Atualità
Cuncors “L’Europa sun tofla” – n pest ai studënc dl ITC de Urtijëi
L vizepresidënt dla Cumiscion Europeica, Franco Frattini, à cunedì i inuems dla scoles autes che à venciù l cuncors “L’Europa sun tofla” metù à jì dala Cumiscion Europeica – Reprejentanza de Roma.
Na delegazion dla cuinta tlasses dl Istitut Tecnich Cumerziel Rezia de Urtijëi ie jita a Roma per tò l pest che ti ie unì cunferì, deberieda cun d' autra 15 tlasses de scoles autes, crisses ora n basa ala plu bela plates web sun l’Europa. Domesdì ie i studënc unic nviei dal ambolt de Roma al Campidoglio. A inuem de Walter Veltroni à l’assessëur ala cultura dat a duc i studënc y la studëntes na medaia de or da pert dla zità de Roma.
L ITC à prejentà al cuncors n a plata web cun l inuem “Insieme-Adum-Zusammen”, n lëur cun plu sezions: la storia dl’integrazion europeica, la persones che à pensà y fat l’Europa, i jëuni y l daunì dl’Europa y deplù idées per sensibilisé la jënt n cont dl'Europa (www.schule.provinz.bz.it/hob-stulrich o www.europaallalavagna.it)
La plata web fej pert de n proiet purtà dant dal’Intendënza Ladina n cunlaurazion cun la RAI Ladina de Bulsan. Tl cheder de chësc proiet iel ënghe unì realisà n video curt sun l’Europa che unirà prejentà ti programs ladins dla RAI ai 25 de mei 2006. L video curt per tudësch y talian unirà prejentà d’autonn.
USP
