Atualità

Scora / Cultura | 20.09.2006 | 10:28

Key to Europe – na tlé por l’Europa: Gran manifestazin europeica ai 26 de setëmber

LPA – Le proscimo dedolönesc, ai 26 de setëmber se rodarà döt incër l’Europa. Tla academia europeica (EURAC) vëgnel organisé por le dé europeich di lingać dales 9:00 ćina les 17:00 na gran manifestaziun europeica, olach’al tolarà pert scolars dles scores altes, insegnanć de dötes les scores, direturs y geniturs interessà. I organisadus de chësta scomenciadia é i trëi ofizi dles scores sciöch’inće Europe Direct dla repartiziun dles chestiuns europeiches.

12 ofizi dla Provinzia, la regiun, le comun de Balsan, l’université y l’organisaziun Jugend INFO Giovani mostra te de deplü bancareles les poscibilitês desvalies dl barat intercultural por i jogn y les jones de Südtirol; passè n ann de scora tl forest, imparè lingać, studié y laurè tl forest, fà laurs de volontariat y tröpes d’atres ativitês. Paralel a chësta fiera de Informaziun vëgnel pité tratenimënć de formaziun y workshops por insegnanć, direturs, jogn y geniturs. Inće chilò é la lista di temesc de na gran varieté: proieć europeics y jumelanzes virtuales, la Costituziun Euorpeica y sües istituziuns sciöch’inće deplü poscibilitês tl ćiamp dl lingaz. Abelì vëgn le program cun n jüch didatich y n film cört d’aurela cörta sura la storia dl’Europa, che é gnü laurè fora da scolars.

Por stlü jö le dé europeich inviëia i organisadus düć dales 20:30 tla Ćiasa dla Cultura ala rapresentaziun “Il flauto d’amor perduto”. 20 interpretadus jogn dl ensemble Bric-à-Brac mostra cun la musiga de Mozart “Zauberflöte” y la comedia de Shakespeare “Verlorener Liebesmüh” so savëi. La manifestaziun é daverta al publich, l’entrada é debann.

USP

Galaria dales fotografies

Downloads