Atualità
La Comisciun provinziala aprovëia i proiec de costruziun stradala tla Val Badia y tla Val d’Isarch
I proiec esecutifs dles zirconvalaziuns de Vahrn y de Longega é gnüs aprovà l’ultimo lönesc, ai 15 de jenà dala comisciun tecnica provinziala. La pert nöia dla strada de Vahrn vëgn a costè 30 miliuns de euro deperpo che la zirconvalaziun de Longega amuntëia a 8.5 milliuns de euro.
I proieć esecutifs por döes gran costruziuns stradales è gnüs aprovà dala Comisciun tecnica: ara se trata dla zirconvalaziun de Vahrn y de Longega. Trami proieć fej pert de na lignora de proieć de ampliamënt y de mioramënt. I laûrs de costruziun de chisc proieć ne vëgn nia tan atira scrić fora.En relaziun ai laûrs de ampliamënt y de mioramënt pro la strada dla Val Badia, vëgnel planifiché na zirconvalaziun por ne messëi nia passè fora por la fraziun de Longega, che alda pro le comun de Mareo. La Comisciun tecnica provinziala à aprovè inier domisdé le proiet esecutif de chësta zirconvalaziun. La costruziun nöia, che prevëiga trëi punć sura le rü Gadera (le pröm punt do le tunnel da jì cuntra San Martin, le secundo tla desviada por jì a Al Plan y le terzo punt plü inant olache la strada dla Val Badia và inant cuntra Piculin) costa 8.5 milliuns de euro.
Löm verda à la comisciun inće dè inier por les condiziuns nöies d’assegnaziun por i seturs de costruziun construziuns dla contrada, laûrs de tera y laûrs por assiguré le büjes, inće dit Jet Grouting. Chëstes condiziuns nöies d’assegnaziun vëgn presentades dal Assessur provinzial por les costruziuns Florian Mussner ala Junta provinziala por l’autorisaziun definitiva.
usp
