Atualità
Educazion ala rujenedes – presentazion de material didatich multimediel ai 11 de auril
USP - “Stories: 7 cunties te cater lingac” à inom l’ultima publicaziun dl Istitut Pedagogich Ladin che vëgn presentada en dedemesaledema, ai 11 d’aurì dales 15.00 tl gran salf de comun a Santa Cristina cun la presënza dl assessur Florian Mussner. Dötes les insegnantes/düc i insegnanc y i interessà é dër bel invià de tó pert a chësta manifestaziun.
“Stories: 7 cunties te 4 lingac” é n material didatich metü adöm da n CD-ROM, n liber ílustrè y n sföi d’acompagnamënt didatich. Le CD-ROM y le liber cuntëgn set stories ch’an po lì y ascutè te cater lingac: ladin, talian, todësc y inglesc. Les cunties é gnüdes chirides fora tignin cunt dles categories y epoches desvalies dl’ert de cuntè sciöch’inće di paîsc da olach’ares vëgn.Le proiet “Stories: 7 cunties te cater linagac” é dantadöt n meso d’insegnamënt di lingac che gnarà dessigü tut sö cun gran entusiasm dai mituns che se dà jö ion cun stories, cun lingac y cun d’atres sorts de media.
Les set cunties é ilustrades y ares po gnì lites o ascutades. Pro vignöna él n quiz, n vocabular y curiositês.
En gaujiun dl proiet “Comenius” dl’Uniun Europeica é les stories gnüdes traslatades ćiamò te trëi d’atri lingac: croat, slovenn y ungaresc.
Chësc proiet é gnü laorè fora da colauradusc dl IPL y da esperć tl ćiamp dl’informatica, dla grafica y dla musiga.
I media é invià de referì
sön la presentaziun de “Stories” y
de tó pert en dedemesaledema
ai 11 d’aurì 2007, dales 15.00
tl gran salf de comun
tla strada de comun 1,
a Santa Cristina te Gherdëna.
USP
