Atualità
La reforma dla scora vëgn condüta inant: conferënza stampa cun i assessurs Saurer y Mussner ai 12 d’aurì
USP - Tla conferënza stampa ai 12 d’aurì, a chëra ch’al vëgn invié i assessurs Otto Saurer y Florian Mussner, vëgnel tratè dla reforma dla scora y de sciöch’ara gnarà condüta inant tles scores elementares y mesanes ladines y todësces.
Tröpes é stades les respostes da pert de insegnanć, direturs dles scores, geniturs y scolars sön le dessëgn dla lege sön le sistem de formaziun dla Provinzia. Inće tl monitoring dla reforma dla scora él gnü presentè propostes concretes por la realisaziun dla reforma.Les posiziuns tleres y en pert desvalies, contignüdes tles respostes, vëgn tutes en conscidraziun tles dezijiuns sön la reforma dla scora tles scores ladines y todësces. I assessurs Otto Saurer y Florian Mussner presentarà les mudaziuns de vigni delibraziun dla reforma dla scora. La conferënza stampa vëgn tignida
la proscima jöbia, ai 12 d’aurì
dales 10.30
tl salf de stampa dla Junta provinziala,
Palais Widmann, strada Crispi 3, Balsan.
USP
