Atualità
Tarifes per la families tl trasport publich
USP – La families furnea a miëur priesc: do chësc moto à l dipartimënt provinziel laurà ora da nuef l sistem dla tarifes. L resultat ie na lingia de priejes lascei do per mëndri, jëuni, families y jënt de tëmp. La chertes y la tarifes a miëur priesc ie unides prejentedes (ncuei) ai 17 de setëmber a Bulsan dai assessëures ala mubilità y ala families.
Mëndri nchin a 6 ani furnea defin debant cun l trasport publich. L medemo vel da n valguna enes nce per sculeies dla scoles elementeres, mesanes y per chëi dla scoles prufesciuneles a tëmp plën. Chisc giapa l Abo+ debant y possa furné per n ann cun duc i mesuns publics. Dant custova l Abo+ 70 Euro per sculeies dl’elementera y dla mesana, per chëi dla scoles autes custovel 120 Euro. “La dumanda do Abo+ testemunieia che nchinamo nen iel unì dat ora 36.900” à dit l assessëur ala mubilità. Autri 2.000 Abo+ ie unic cumprei da studënc y lerneri. Chisc paia me plu 100 Euro mpede 150 Euro.
“I aiuc per la families ne dëssa nia me pië n cont di mëndri”, nsci l’assessëur ala families. Do chësta idea iel nce unì fat na cherta per families che possa se nuzé dl trasport publich a n priesc lascià do. N viac te zità o te un n luech costa un n Euro, cun la cherta dla families costel me plu 26 cent. L’azion per families ie mplu unì slargëda. Sce nchinamo fova chësta chertes per families cun doi mëndri, les giapen śën nce cun un n mënder y genitores sëui cun un n mënder.
Da nuef iel che i medemi priejes lascei do sciche cun la cherta dla families, giapen śën nce cun l "myfamilypass" dl KVW. L basta mustré su chësc pas y n giapa la cherta valor al medem priesc sciche cun la cherta dla families.
Miëur priejes giapa nce la jënt de tëmp. Bele da lugio giapen sëura 70 ani l abunamënt ABO60+ debant y possa nsci furné pea zënza paië sun duta la linies.
as
