Atualità
Curs per n computer plu segur
USP – Co che n possa se defënder da virus, iërms o troians tl computer nsënia l Ufize provinziel per media audiovisuei pra n curs ai 29 de utober a Bulsan. La iscrizions al curs che ie debant, vën bele tëutes su.
Co fé a defënder l computer ie l argumënt zentrel dl curs metù a jì dal Ufize provinziel per media audiovisuei. L unirà dat cuseies y aiuc de co se astilé per ti vester a virus, iermes, troians y d’autri nemics dl computer che vën ite tres internet. L vën nce spiegà co che n possa astilé ora e-mails che n ne uel nia o cunëscer i “Phishing-Mails”. Mparé possen nce sce l ie debujën de n program contra i spions (spy) o n fire-wall.
L curs cun Christian Platzer vën tenì n mierculdi 29 de utober dala 14.30 nchin ala 18.00 tl Ufize provinziel per media audiovisuei, tla cësa provinziela 7, streda Andreas Hofer 18 a Bulsan. Tlo vëniel nce tëut su la iscrizions, cossa che n possa nce fé tres telefonn al 0471 412915 o tres la e.mail av-medien@provinz.bz.it y tres internet sun la plates www.provinz.bz.it/av-medien/wb.
as
