Atualità
Liber cun CD per mëndri dla scolina
USP – N prim cuntat cun nosta trëi rujenedes fej i mëndri majera pert tl juech, tres mujiga y stories. I trëi Istituc pedagogics dla Provinzia de Bulsan à dat ora n liber cun CD nuef che pieta na basa per chësc cuntat cun la trëi cultures te scolina. La publicazion “Miteinander – Insieme – Deboriada” vën prejenteda n juebia 16 de utober tla Scolina Salieta a Urtijëi.
Cianties, juesc y stories te nosta trëi rujenedes, anjeniedes per la mutans y i mutons dla scolina. Chësc ie cuntenut dla publicazion nueva che ie unida anjenieda dai trëi Istituc pedagogics n culaburazion cun la direzions dla scolines. L vën tres chësc strumënt didatich pità la puscibltà de cianté la medema ciantia te trëi rujenedes. Chësc vel nce per vel juech, storia o rima. Ai mëndri de duta trëi grupes de rujeneda ti vëniel nsci pità na maniera lesiera y adateda a si età per ruvé n cuntat cun l’autra cultures.
N juebia ai 16 de utober vëniel fat na prejentazion a Urtijëi per la maestres dla scolines ladines.
Dala cater domesdì ie nce i culaburadëures di media nviei tla Scolina Salieta per repurté de chësc.
as
