Atualità
Veles provinzieles: chemuns ladins à cumpedà ora
USP – Ti Chemuns de Gherdëina y dla Val Badia an dala 12.00 finà de cumpedé ora la zedules de vela. Dala 7 da duman an tla sezions di chemuns scumencià a cumpedé.
Ti 8 chemuns dla doi valedes ladines iel de ndut 11 sezions de vela che à ncuei danmesdì cumpedà ora la stimes per la valedes dl Cunsëi Provinziel de Bulsan. Aldò de tan granda che ie la cumpëida di litadëures ie nce i pitli chemuns stai i plu asvelc. L prim chemun ladin a finé de cumpedé ora ie nsc stat La Val, ulache à lità 895 persones.
I resultac ie da udëi sota www.provincia.bz.it/elezioni sun la plates provinzieles tl internet.
I resultac de duta la Provinzia de Bulsan sarà definitives canche n arà finà de cumpedé ora la stimes te duc i 116 chemuns. Riesc do savran tan de reprejentan che i partic arà te Cunsëi Provinziel per i proscimi 5 ani.
as
