Atualità
Scumencià la iscrizions ala scoles de mujiga
USP – Tla scoles de mujiga de rujeneda ladina à scumencià la iscrizions per l ann de scola che vën. Aldò dl Istitut per l’educazion musichela puderan se scrì ite nchin la fin de merz.
Do la feries de carnescià à riesc scumencià la iscrizions tla scoles de mujiga. Sculeies che va bele ala scola de mujiga possa damandé de jì inant, sculeies nueves possa damandé che l ti vënie tenì n post. La iscrizions per l ann de scola 2009-10 vën tëutes su ti secretariac dla scoles de mujiga nchin ai 31 de merz. Tlo giaten nce nfurmazions plu avisa. La scola de Mujiga de Gherdëina à si sënta tla vedla scola elementera a Urtijëi (tel. 0471 796858), la Scola de Mujiga dla Val Badia à La Ila tla streda Nitz 209 (tel. 0471 847748).
as
