Atualità
Cumiscion tecnica azetea la vedla elementera a Urtijëi
USP – La proietazion per ressané la vedla scola elementera a Urtijëi possa jì inant. La cumiscion tecnica provinziela à te si senteda da nsëira (11 utober) azetà l proiet mandà ite dal Chemun de Urtijëi.
La vedla scola elementera sun plaza de dlieja a Urtijëi dëssa unì cumededa ca per pité na majera lerch ala Scola de Mujiga y la bibliotech de valeda. L proiet de mascima à giapà l bënsté dai tecnics dla Provinzia. Chësc var ie debujën a na maniera che l lëur posse unì sustenì cun scioldi provinziei. L Chemun de Urtijëi possa śën nciarië i trëi architec jëuni dl luech, Armin Kostner, Hannes Mahlknecht y David Stuflesser de jì inant cun la proietazion lauran ora la verscion esecutiva. L proiet vëija dant n nvestimënt de 3,3 milion de Euro.
as
