Atualità
Jonta provinziela: Stallersattel nce daviert de nuet
USP – L Stallersattel dëssa nce unì tenì daviert de nuet. La Jonta provinziela à te si senteda da ncuei, 18 utober, dat pro la pruposta di ambolc dl Osttirol.
Nchinamo ie l Stallersattel unì stlut de nuet, danter la 21.30 nchin la 7 da duman. I assessëures provinziei à azetà la dumanda di ambolc dl Osttirol de lascé passé nce de nuet, danterauter nce ajache cun la lumes di auti se vëijen ora plu saurì sce l vën zachei ancontra sun la streda drët strënta. Dan na giaurida definitiva nce ntan la nuet, muessel mo unì cialà do sce l va a una cun la normes che reverda l passé la sëida de stat.
as
